(ជប៉ុន)៖ ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា បានទៅដល់ Hiroshima កន្លែងដែលអាមេរិកទម្លាក់គ្រាប់បែកបរិមាណូ ក្នុងជំនាន់សង្គ្រាមលោកលើកទី២ និងជាប្រធានាធិបតីសហរដ្ឋអាមេរិក ដំបូងគេដែលទៅកាន់ទីក្រុងមួយនេះ Hiroshima។

នៅក្នុងព្រឹត្តិការណ៍គោរព្វវិញ្ញាក្ខន្ធនេះផងដែរ លោក អូបាម៉ា មិនបានពោលពាក្យសុំទោសទៅកាន់​ប្រជាជន​ជប៉ុន​​ ចំពោះទង្វើរបស់អាមេរិក ដែលបានទម្លាប់​គ្រាប់បែក​នៅ Hiroshima ឡើយ ប៉ុន្តែ​លោក​បានសន្យាសហការជាមួយមេដឹកនាំពិភពលោក ក្នុងការកាត់បន្ថយ​អាវុធនុយក្លេអ៊ែរ។

គួរបញ្ជាក់ផងដែរថា កាលពីខែសីហា ឆ្នាំ១៩៤៥ ដើម្បីបញ្ចប់សង្គ្រាមលោកលើកទី២ សហរដ្ឋអាមេរិក បានទម្លាក់គ្រាប់បែក​បរិមាណូ ចំនួន២គ្រាប់ នៅក្នុងទីក្រុង Hiroshima និង Nagasaki ដោយ​បានស្លាប់មនុស្ស ១២៩,០០០នាក់ ក្នុងនោះនៅក្នុងទីក្រុង Hiroshima មានអ្នកស្លាប់ ៧០,០០០នាក់។