(ភ្នំពេញ)៖ នៅថ្ងៃទី២៨ ខែកក្កដា ឆ្នាំ២០២២ វេលាម៉ោង១៤:៣០នាទី ស្ថិតនៅចំណុចតាមបណ្ដោយផ្លូវ OCIC ក្រុមទី៨ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ កម្លាំងអធិការដ្ឋាននគរបាលខណ្ឌជ្រោយចង្វារ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីឆក់ទូរសព្ទដៃ។

ជនរងគ្រោះឈ្មោះ យ៉ោក រឺណា ភេទស្រី ស្នាក់នៅបន្ទប់ជួលគ្មានលេខ ផ្លូវលំ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ មុខរបរនៅផ្ទះ។

ឃាត់ខ្លួនបានជនសង្ស័យចំនួន២នាក់៖

១-ឈ្មោះ អន វិសាល ភេទប្រុស អាយុ ២០ឆ្នំា ជនជាតិ ខ្មែរ ស្នាក់នៅផ្ទះគ្មានលេខ ផ្លូវបេតុង ភូមិ១៥ សង្កាត់ស្រះចក ខណ្ឌដូនពេញ រាជធានី ភ្នំពេញ មុខរបរ បុគ្គលិករត់តុ (មានផ្ទុកសារធាតុញៀន)។
២-ឈ្មោះ ហេង ស៊ីថន ភេទប្រុស អាយុ ២១ឆ្នំា ជនជាតិ ខ្មែរ ស្នាក់នៅផ្ទះគ្មានលេខ ផ្លូវព្រះស៊ីសុវត្ថិ សង្កាត់ដូនពេញ រាជធានីភ្នំពេញ មុខរបរបុគ្គលិករត់តុ (មានផ្ទុកសារធាតុញៀន)។
សម្ភារបាត់បង់៖ ទូរស័ព្ទដៃម៉ាក VIVO ពណ៌ ខ្មៅ។ សម្ភារដកហូត៖ ម៉ូតូម៉ាក ហុងដាសេ១២៥ ពណ៌ខ្មៅ សេរី ២០១៨ ផ្លាកលេខភ្នំពេញ 1HG-5395 ជារបស់ជនសង្ស័យឈ្មោះ អន វិសាល។

បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌ ជ្រោយចង្វារ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី។

ជាមួយគ្នានេះនៅថ្ងៃទី២៨ ខែកក្កដា ឆ្នាំ២០២២ វេលាម៉ោង២២:៣០នាទី កម្លាំងអធិការដ្ឋាននគរបាលខណ្ឌជ្រោយចង្វារ ក៏បានឃាត់ខ្លួនជនសង្ស័យចំនួន០២នាក់ នៅចំណុចផ្លូវបេតុង ភូមិភៀនឃ្លាំង សង្កាត់ជ្រោយចង្វារ ខណៈកម្លាំងចុះល្បាតក្នុងមូលដ្ឋាន ដោយជនសង្ស័យទាំង២នាក់ ប៉ុនប៉ងលួចទ្រព្យសម្បត្តិរបស់ប្រជាពលរដ្ឋ។

ជនសង្ស័យចំនួន០២នាក់៖

១-ឈ្មោះ ហង្ស សុវណ្ណឌី អាយុ៣២ឆ្នាំ ស្នាក់នៅ សង្កាត់បឹងកេងកង២ ខណ្ឌចំការមន រាជធានីភ្នំពេញ មុខរបរ មិនពិតប្រាកដ។
២-ឈ្មោះ ផាន មករា ហៅមាក់ អាយុ១៩ឆ្នាំ ស្នាក់នៅ ផ្លូវលំ ភូមិស្វាយ ឃុំឆ្វែង ស្រុកពញាឭ ខេត្តកណ្ដាល មុខរបរអ៊ុតម៉ូតូ។

វត្ថុតាងចាប់យក៖ ម៉ូតូម៉ាក់SUZUK LETS ពណ៌ខ្មៅ សេរីឆ្នាំ២០១៥, ដែកសំប៉ែតចុងស្រួច ចំនួន០១, កូនសោក្សៀលេខ៨ ចំនួន០១, ដែកលួសក្រង៉ុក ចំនួន០១ និងកូនសោម៉ូតូ ចំនួន០២។
បច្នុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីវិធីច្បាប់៕