(ភ្នំពេញ)៖ ក្រសួងសេដ្ឋកិច្ច និងអាជ្ញាធរជាតិប្រយុទ្ធប្រឆាំងគ្រឿងញៀន បានចេញសេចក្ដីប្រកាសរួម លើការតាមដាន ការប្រមូល ការគ្រប់គ្រង និងការចាត់ចែងទ្រព្យ​សម្បត្តិ ដែលពាក់ព័ន្ធ នឹងបទ​ល្មើស​គ្រឿងញៀន។ នេះបើយោងតាមសេចក្ដីប្រកាសរួមរវាងស្ថាប័នរដ្ឋទាំង២ ដែល Fresh News ទើបទទួលបាននៅរសៀលថ្ងៃទី២៦ ខែឧសភា ឆ្នាំ២០១៦នេះ។

សេចក្តីប្រកាសរួម បានបញ្ជាក់ថា «ទ្រព្យសម្បត្តិដែលរឹបអូសបាន ពីបទល្មើសគ្រឿងញៀន នឹងធ្វើការដេញថ្លៃ ហើយថវិកាដែលដេញថ្លៃបានត្រូវចាត់ចូលជាថវិការជាតិ»។ សេចក្តីប្រកាស​រួមខាងលើនេះ បានបង្ហាញនូវសមាសភាព នៃគណៈកម្មការរួមមាន តំណាងក្រសួងសេដ្ឋកិច្ច និងហិរញ្ញវត្ថុ ជាប្រធាន តំណាងអាជ្ញាធរជាតិប្រយុទ្ធប្រឆាំងគ្រឿងញៀន អនុប្រធាន និងតំណាងក្រសួង​យុត្តិធម៌ តំណាងអគ្គស្នងការនគរបាលជាតិ តំណាងបញ្ជាការដ្ឋានកងរាជអាវុធហត្ថលើផ្ទៃប្រទេស ជាសមាជិក។​ សូមអានព័ត៌មានលម្អិតរបស់សេចក្ដីប្រកាសរវាងស្ថាប័នរដ្ឋទាំង២ខាងក្រោមនេះ៖