(ភ្នំពេញ)៖ និស្សិតមួយក្រុមមកពី សាលា Edgewood College Nursing សហរដ្ឋអាមេរិក នឹងធ្វើទស្សនកិច្ចសិក្សា នៅវិមានរដ្ឋសភា នៅរសៀលថ្ងៃទី២៧ ខែឧសភា ឆ្នាំ២០១៦ ស្អែកនេះ ដើម្បីស្វែងយល់អំពីស្ថាប័នសភា របស់កម្ពុជា។ នេះបើតាមកាប្រកាសរបស់អគ្គលេខាធិការដ្ឋាននៃរដ្ឋសភា នៅថ្ងៃទី២៦ ខែឧសភា ឆ្នាំ២០១៦។

លោកស្រី ទេព សុទ្ធី សមាជិកាគណៈកម្មការទី៣ នៃរដ្ឋសភា និងជាតំណាងរាស្រ្តមណ្ឌលខេត្តតាកែវ បានសហការជាមួយអគ្គលេខាធិការដ្ឋានរដ្ឋសភា តាមរយៈលេខាធិការដ្ឋាន សម្របសម្រួលបច្ចេកទេស នៃសភាកម្ពុជា​ (ល.ស.ប) នឹងរៀបចំ កម្មវិធីទស្សនកិច្ចសិក្សានេះ៕