(ស៊ីរី)៖ យោងតាមការចេញផ្សាយរបស់សារព័ត៌មាន AP នាមុននេះបន្តិចបានឲ្យដឹងថា យ៉ាងហោចណាស់មនុស្ស ជាង ១០០នាក់ បានស្លាប់ និងជាច្រើននាក់ផ្សេងទៀតរបួស នៅករណីបំផ្ទុះគ្រាប់បែកជាច្រើនកន្លែងក្នុងបន្ទាយរដ្ឋាភិបាលស៊ីរី។
ករណីបំផ្ទុះនៅស៊ីរីនេះ បានកើតឡើងតែប៉ុន្មាននាទីក្រោយពីមានករណីបំផ្ទុះគ្រាប់បែកអត្តឃាតនៅបន្ទាយទាហានក្នុងទីក្រុង Aden ប្រទេសយេម៉ែន ដែលបណ្ដាលឲ្យមនុស្ស ៤៥នាក់ស្លាប់ និងជាង ៦០នាក់រងរបួស ដោយក្រុមឧទ្ទាម ISIS បានចេញមុខប្រកាសទទួលស្គាល់ថាជាទង្វើរបស់ខ្លួន៕
