(ប៉ៃលិន)៖ ជនសង្ស័យ២នាក់ រួមជាមួយថ្នាំញៀន១៦៦គ្រាប់ ត្រូវបានកម្លាំងនគរបាលការិយាល័យប្រឆាំងគ្រឿងញៀន សហការកម្លាំងប៉ុស្តិ៍ស្ទឹងកាច់ ចុះបង្ក្រាបនៅម៉ោង៤៖១២នាទីទាបភ្លឺ ថ្ងៃទី២០ ខែឧសភា ឆ្នាំ២០១៦ ដែលមានទីតាំងស្ថិតនៅភូមិផ្សារព្រំ សង្កាត់ស្ទឹងកាច់ ក្រុងប៉ៃលិន។
មន្រ្តីនគរបាលបានឲ្យដឹងថា ករណីនេះ ខាងកម្លាំង បានធ្វើនៅក្នុងផ្ទះជួលមួយកន្លែង ស្ថិតនៅចំណុចផ្សារព្រំ ក្រុងប៉ៃលិន ដោយឃាត់បានជនសង្ស័យ២នាក់ និងថ្នាំញៀន១៦៦គ្រាប់ ម៉ូតូមួយគ្រឿង លុយចំនួន១លានរៀល និងទូរស័ព្ទ១គ្រឿង។
សមត្ថកិច្ចបានបន្តទៀតថា ជនសង្ស័យដែលឃាត់ខ្លួនទី១. មានឈ្មោះ អិត សំអាត ភេទប្រុស អាយុ២៨ឆ្នាំ និងទី២.ឈ្មោះ វ៉ាន់ មករា ភេទប្រុស អាយុ២៩ឆ្នាំ ជនល្មើសនេះស្នាក់នៅភូមិខាងលើនេះ។ បច្ចុប្បន្ននេះសមត្ថកិច្ចជំនាញកំពុងសាងសំណុំរឿង និងបញ្ជូនជនសង្ស័យរួមជាមួយភស្តុតាងទាំងអស់បញ្ជូនទៅសាលាដំបូងខេត្តចាត់ការតាមផ្លូវច្បាប់៕
