(ព្រៃវែង)៖ លោក​ អីុ សុខឃី​ ប្រធាន​ក្រុម​ការងារ​ថ្នាក់​ជាតិ​​ឃុំ​ពាន​រោង ស្រុកស្វាយអន្ទរ នៅរសៀលថ្ងៃទី១៩ ខែឧសភា ឆ្នាំ២០១៦នេះ​ បានចុះសាកសួរសុខទុក្ខបងប្អូនប្រជាពលរដ្ឋដែលរងគ្រោះ ដោយសារខ្យល់កន្រ្តាក់ កាលពី​យប់ថ្ងៃទី​១៧ ខែ​ឧសភា ​ឆ្នាំ​២០១៦កន្លងទៅ។​ គ្រួសារដែលរងគ្រោះមានឈ្មោះ ប៉ុន ពៅ ភេទស្រី នៅភូមិដុំឃុំពានរោង ស្រុកស្វាយអន្ទរ។

លោក អីុ សុខឃី បានសំដែងនូវសេចក្តីព្រួយបារម្ភ និងបានចូលរួមរំលែកការលំបាក និងបានផ្តល់នូវសម្ភារ​ មួយ​ចំនួន​ដែលជាអំណោយរបស់ នាយឧត្តមសេនីយ៍ នេតសាវឿន ប្រធានក្រុមការងារថ្នាក់ជាតិ ស្រុកស្វាយអន្ទរ និងស្រុកកញ្រ្ជៀចខេត្ត ព្រៃវែង ដូច​ជា​ ៖ អង្ករ​ ១បាវ​ ៥០​គីឡូក្រាម​, តង់១​ ,មី២កេះ ,​ទឹកត្រី​១យួ​, ទឹក​សីុវអៀវ ​១យួ​រ និង​ថវិកា​ ចំនួន​ ២០មឺិន​រៀល​ ជូន​ដល់​គ្រួសារ​រង​គ្រោះ​ដើម្បីសំរួលដល់ជីវភាព។

លោកបានណែនាំឲ្យអាជ្ញាធរមូលដ្ឋាន ត្រូវរាយការណ៍ភ្លាមៗ ចំពោះប្រជាពលរដ្ឋ ដែលរងគ្រោះធម្មជាតិ ដូចជាខ្យល់កន្រ្តាក់ ជាដើម ដើម្បីឲ្យក្រុមការងារចុះមកជួយអន្តរាគមន៍ភ្លាមៗ ហើយផ្តាំផ្ញើឲ្យមានការប្រុងប្រយ័ត្ន នៅពេលមានភ្លៀងធ្លាក់ខ្លាំង៕