(អេហ្ស៊ីប)៖ តាមការបញ្ជាក់បន្ថែម មានក្មេងម្នាក់ និងទារក ២នាក់ ក៏មានវត្តមានលើយន្តហោះ​ដឹក​អ្នក​ដំណើរ ជើងហោះ Flight 804 របស់ក្រុមហ៊ុនអាកាសចរណ៍ EgyptAir ដែលបាននឹងកំពុងបាត់ពីប្រព័ន្ធរ៉ាដា ខណៈកំពុងហោះហើរពី​ទីក្រុងប៉ារីស ប្រទេសបារាំង ទៅកាន់ទីក្រុងគែរ ប្រទេសអេហ្ស៊ីប នេះយោងតាមការចេញផ្សាយ របស់សារព័ត៌មាន Sky News នៅមុននេះបន្តិច។

តំណាងក្រុមហ៊ុន EgyptAir បានឲ្យដឹងថា យន្តហោះដែលបានបាត់ពីប្រព័ន្ធរ៉ាដា គឺស្ថិតនៅរយៈកម្ពស់ ៣៧,០០០ហ្វីត ប្រហែល ១១,៥គីឡូម៉ែត្រ និងជាប្រភេទយន្តហោះ Airbus 320។

យន្តហោះ EgyptAir ជើងហោះហើរ Flight 804 ដែលបានបាត់នោះ គឺស្ថិតនៅពេលហោះឆ្លងកាត់សមុទ្រម៉េឌីទែរ៉ាណេ និងជាដែនអាកាសនៃប្រទេសអេហ្ស៊ីបប្រហែល១៦គីឡូម៉ែត្រ។

យោងតាមការចុះផ្សាយរបស់ Sky News ដោយដកស្រង់សំដីរបស់អ្នកនាំពាក្យក្រុមហ៊ុន EgyptAir បានឲ្យដឹងថា នៅលើយន្តហោះមានផ្ទុកមនុស្ស ៦៩នាក់ ក្នុងនោះមាន​អ្នក​ដំណើរ ៥៩នាក់ និងសហនាវិកចំនួន ១០នាក់ ដោយ​បាន​ហោះហើរចេញពីអាកាសយានដ្ឋាន Charles de Gaulle ក្នុងទីក្រុងប៉ារីស ប្រទេសបារាំង នៅម៉ោង ២៣៖០៩នាទី ទៅកាន់អាកាសយាន​ដ្ឋាន Cairo Airport ទីក្រុងគែ ប្រទេសអេហ្ស៊ីប៕