(ភ្នំពេញ)៖ ប្រជាពលរដ្ឋមានដីស្រែនៅតំបន់ភូមិពាមកំពង់ក្រសាំង ឃុំភ្នំលៀប ស្រុកព្រះនេត្រព្រះ ខេត្តបាត់ដំបង និងភូមិដូនឡឹក ឃុំសំបួរ ស្រុកមង្គលបូរី ខេត្តបន្ទាយមានជ័យ បានថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានផ្តល់ក្តីមេត្តាអនុគ្រោះ សណ្ដោសប្រណីទោសដល់ពួកគេ។
ប្រជាពលរដ្ឋទាំងនោះមានឈ្មោះដូចខាងក្រោម៖
១៖ ឈ្មោះ ឈូម ធូ ភេទប្រុស អាយុ៥៧ឆ្នាំ ជនជាតិខ្មែរ
២៖ ឈ្មោះ រឹត ធី ភេទប្រុស អាយុ៥៣ឆ្នាំ ជនជាតិខ្មែរ
៣៖ ឈ្មោះ វ៉ាន់ យ៉េន ភេទប្រុស អាយុ៤៦ឆ្នាំ ជនជាតិខ្មែរ។
តាមលិខិតរបស់ពលរដ្ឋទាំងនេះបានបញ្ជាក់ដូច្នេះថា៖ «សូមគោរថ្លែងអំណរគុណ សម្ដេចតេជោនាយករដ្ឋមន្ដ្រីនៃកម្ពុជា ដែលបានផ្ដល់ក្ដីអនុគ្រោះសណ្ដោសប្រណីទោស ដល់យើងខ្ញុំ ដែលកន្លងមកយើងខ្ញុំបានប្រព្រឹត្តនូវកំហុសឆ្គងដ៏ធ្ងន់ធ្ងរ។ យើងខ្ញុំទាំងអស់គ្នាសូមសន្យាថា នឹងឈប់ ប្រព្រឹត្តអំពើខុសនឹងច្បាប់រដ្ឋតទៅទៀតហើយ»។
ប្រជាពលរដ្ឋទាំងនោះ ក៏បានបួងសួងដល់វត្ថុសក្តិសិទ្ធិក្នុងលោក តាមបីបាច់ថែរក្សាសម្ដេចតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រាបុត្រី និងចៅៗ ទទួលបានតសេចក្ដីសុខ សេចក្តីចម្រើន និងសូមបួងសួងឱ្យគណបក្សប្រជាជនកម្ពុជា ទទួលបានជ័យជំនះដ៏ត្រចះត្រចង់ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់នាពេលខាងមុខនេះ៕
