(ភ្នំពេញ)៖ បុរស​ជនជាតិ​អាមេរិក​កាំង​ម្នាក់ ​ជា​ប្រធាន​ប្រតិបត្តិ​ហោះហើរ​ (​CEO local Private Airline Aero Cambodia​)​ នៅ​ថ្ងៃទី​១៨​ ខែ​ឧសភា​ ឆ្នាំ​២០១៦​ ត្រូវ​បាន​សាលា​ដំបូង​រាជធានី​ភ្នំពេញ​ បើក​សវនាការ​កាត់ទោសពី​បទ​ ទិញ​ពេស្យាចារ​កុមារ និង​បទ​អំពើ​អាស​ប្រឆាំង​នឹង​អនីតិជន​អាយុ​ក្រោម១៥​ឆ្នាំ។​ ប៉ុន្តែ​ក្រោយ​ការ​សួរ​ដេញដោល​ពេញ​មួយ​ថ្ងៃ​ លោក​ចៅក្រម​ ឃី​ ឆៃ​ សម្រេច​លើក​ពេល​ប្រកាស​សាលក្រម​ទៅ​ថ្ងៃ​ទី​១៤​ ខែ​មិថុនា​ ឆ្នាំ​២០១៦​ខាងមុខ​នេះ​វិញ​។ ​

ជនជាប់ចោទ​ឈ្មោះ​ Brian naswall អាយុ៥៣​ឆ្នាំ​។

គួរ​រំលឹក​ថា​ លោក ​Brian naswall ត្រូវបាន​ព្រះរាជអាជ្ញា​អម​សាលា​ដំបូង​រាជធានី​ភ្នំពេញ​ បញ្ជា​ឲ្យ​ចាប់ខ្លួន​កាលពី​ថ្ងៃ​ទី​២២ ​ខែ​ឧសភា ឆ្នាំ​២០១៥ ក្រោយពី​អាជ្ញាធរ​រក​ឃើញ​កំហុស​របស់​គាត់ ​ក្នុង​ការ​ប្រព្រឹត្ត​ការរួម​ភេទ​ជាមួយ​ក្មេងស្រីៗ​ពី​អាយុ១២​ឆ្នាំ ដល់​១៤​ឆ្នាំ ដោយ​ការទិញ​ នឹង​ទឹកប្រាក់​ពី១៥​ដុល្លារ​ដល់​២០​ដុល្លារ ដោយមាន​ក្មេងស្រី យ៉ាងតិច៩​នាក់ បាន​ប្ដឹង​លោក​ Brian naswall ក្នុងអំឡុង​ឆ្នាំ២០១៥កន្លងទៅ៕