(ភ្នំពេញ)៖ កម្មវិធីប្រឡងចម្រៀងពានរង្វាន់ «អរគុណសន្ដិភាព» ដើម្បីអបអរសាទរខួបទី៤៥ ទិវានៃការចងចាំ ដំណើរឆ្ពោះទៅផ្ដួលរំលំរបបប្រល័យពូជសាសន៍ ថ្ងៃទី២០ ខែមិថុនា ឆ្នាំ១៩៧៧- ២០ មិថុនា ឆ្នាំ២០២២ ចាប់ផ្ដើមទទួលពាក្យចាប់ពីថ្ងៃជូនដំណឹងនេះ រហូតដល់ថ្ងៃទី១៥ ខែមិថុនា ឆ្នាំ២០២២។

បេក្ខជន បេក្ខនារី ដែលមានបំណងចង់ចូលរួមប្រកួតប្រជែង គ្រាន់តែជ្រើសរើសបទចម្រៀងដែលខ្លួនពេញចិត្ត ហើយថតច្រៀងមុខកាមេរ៉ាទូរស័ព្ទ រួចផ្ញើទៅកាន់គណៈកម្មការប្រឡង តាមរយៈលេខ (តេលេក្រាម) ០៩៨ ៣៩០ ៨៩៣។

សូមជម្រាបថា កម្មវិធីនេះធ្វើឡើងក្នុងគោលបំណង ដើម្បីបម្រើការកម្សាន្ត សប្បាយដល់ទូរទស្សនិកជន និងការរំលឹកនឹកដល់គុណូបការៈរបស់សម្តេចតេជោ ហ៊ុន សែន ដែលយកជីវិតធ្វើដើមទុន ដឹកនាំ តស៊ូ រំដោះប្រទេសជាតិ ចេញពីរបបប្រល័យពូជសាសន៍ និងដឹកនាំប្រទេសជាតិឲ្យមានសន្តិភាព និងការអភិវឌ្ឍលើគ្រប់វិស័យ ដូចសព្វថ្ងៃ។

ពានរង្វាន់ «អរគុណសន្តិភាព»៖

* អ្នកទទួលបានជ័យលាភីលេខ ០១ ទទួលបានពាន០១ អមដោយថវិកា ៤៥លានរៀល។
* អ្នកទទួលបានជ័យលាភីលេខ ០២ ទទួលបានពាន០១ អមដោយថវិកា ២០លានរៀល។
* អ្នកទទួលបានជ័យលាភីលេខ ០៣ ទទួលបានពាន០១ អមដោយថវិកា ១២លានរៀល។