(កំពង់ធំ)៖ លោក អួង សារឿន អភិបាលស្រុកបារាយណ៍ ព្រមទាំងសហការី បានយកអំណោយរបស់រដ្ឋបាលស្រុកបារាយណ៍ ទៅចែកជូនគ្រួសារងាយរងគ្រោះ និងលោកយាយ លោកតាចំនួន ២០គ្រួសារ ស្ថិតនៅក្នុងឃុំត្នោតជុំ ស្រុកបារាយណ៍ ខេត្តកំពង់ធំ នៅព្រឹកថ្ងៃ២៦ ខែមេសា ឆ្នាំ២០២២ ។
នៅក្នុងឱកាសនេះលោក អួង សារឿន គ្រប់ទីកន្លែងទាំងអស់ ទីណាមានទុក្ខលំបាក ទីនោះតែងតែមានអំណោយចុះជួយជានិច្ច ដោយអាជ្ញាធរមិនទុកពលរដ្ឋណាម្នាក់ អត់ស្បៀងអាហារនោះទេ ហើយគ្រឿងឧបភោគបរិភោគដែលផ្ដល់ជូនប្រជាពលរដ្ឋនេះ គឺបានមកពីសប្បុរសជននានា ដែលគាត់ឧបត្ថម្ភ ដល់គ្រួសារងាយរងគ្រោះ ពិសេសចាស់ជរាគ្មានទីពឹង ។
លោកអភិបាលស្រុកក៏បានផ្ដាំផ្ញើ ដល់ប្រជាពលរដ្ឋ ណែនាំដល់កូនចៅ ត្រូវជៀសឲ្យឆ្ងាយពីគ្រឿងញៀន ព្រោះគ្រឿងញៀនបំផ្លាញខ្លួនឯង គ្រួសារ និងសង្គមជាតិទាំងមូល និងចូលរួមគោរពច្បាប់ចរាចរណ៍ផ្លូវគោកទាំងអស់គ្នា ដើម្បីកុំឲ្យមានគ្រោះថ្នាក់ និងការបាត់បង់អាយុជីវិត ។
លោកសំណូមពរសូមឱ្យពលរដ្ឋចូលរួមថែរក្សាសន្តិភាព និងបោះឆ្នោតគាំទ្រគណបក្សប្រជាជនកម្ពុជា ផងដែរ ។
គួរបញ្ជាក់ផងដែរថា អំណោយ ផ្ដល់ជូនចំនួន ២០គ្រួសារ ក្នុងមួយគ្រួសារទទួលបាន អង្ករ០១បេ មី០១កេស និងទឹកត្រី០១យួរ ៕
