(ព្រៃវែង)៖ លោក ចាន់ វ៉ាន់ធឿន ប្រធានក្រុម ការងារចុះជួយឃុំជាខ្លាង-ឃុំគោកគង់កើត និង សមាជិកក្រុមការងារជាច្រើននាក់ទៀត នៅថ្ងៃទី០៧ ខែឧសភា ឆ្នាំ២០១៦នេះ បាននាំយកនូវវត្ថុអនុស្សាវរីយ៍ រួមមាន នាឡិកា ប៊ីចេង ប្រេងកូឡា និងថវិកាចែកជូនដល់ លោក អ៊ុ ពូ មីង និងបងៗ ជានិវវត្តន៍ជនចំនួន ១០នាក់ និងប្រធានសាខាបក្សភូមិទាំង១២ភូមិ សំរាប់ជាការដឹង គុណ​ ដែលជានិច្ចកាល គណបក្សនិងរដ្ឋ តែងតែបានគិតគូរ យកចិត្តទុកដាក់ គោរព និ​ស្រឡាញ់ គ្រប់ពេល វេលា។

ក្រៅពីការចុះសំណេះសំណាល និងចេកអំណោយនេះ លោក ចាន់ វ៉ាន់ធឿន និងក្រុមការងារ បានចុះទៅពិនិត្យ ស្ថានភាព ការប្រើប្រាស់ទឹកស្អាតរបស់ ប្រជាពលរដ្ឋ ដោយពិនិត្យឃើញថា ពុំទាន់មានការខ្វះខាតឡើយ។
នៅថ្ងៃដដែលនោះ លោក និងក្រុមការងារ បានឆ្លៀតពេលចុះ ទៅពិនិត្យការដ្ឋាន ជួសជុលផ្លូវលំចំនួន ០២ ខ្សែ​ នៅឃុំជាខ្លាងប្រវែង ៨០០ ម៉ែត្រ និងនៅឃុំគោក គង់កើត ប្រវែង ៧៥០ ម៉ែត្រផងដែរ៕