(ភ្នំពេញ)៖​ អ្នកបើករថយន្តកុងតឺន័រម្នាក់បានស្លាប់ភ្លាមៗ​ បន្ទាប់ពីសាងឥវ៉ាន់ចេញពីទូហើយ​ ស្រាប់តែបើករថយន្ត​ ថយក្រោយ រួចបើកទ្វារចុះពីរថយន្តក៏​ត្រូវរថយន្តរអិលធ្លាក់មកក្រោយទៀត​ ធ្វើឲ្យគៀបជាប់ជាមួយទូកុងតឺន័រក្បែរនោះ រហូតដាច់ខ្យល់ស្លាប់យ៉ាងវេទនា។

ហេតុការណ៍នេះបានកើតឡើង ក្នុងផែស្ងួតសូរងួន​ នាម៉ោង​៨៖៤០នាទីយប់ថ្ងៃទី៦ខែឧសភាឆ្នាំ២០១៦​ ស្ថិតក្នុងសង្កាត់ចោមចៅខណ្ឌពោធិសែនជ័យ​។

បើតាមមិត្តភក្តិ ជាអ្នកបើកបររថយន្តដូចគ្នាបានប្រាប់ភ្នាក់ងារ Fresh News ដែលកំពុងទៅយកព័ត៌មាននៅទីនោះថា​ មុនកើតហេតុជនរងគ្រោះ បានបើករថយន្តមកពីក្រុងព្រះសីហនុ​ក្នុងគោលបំណង មកសាងឥវ៉ាន់ក្នុងផែស្ងូតសូរងួន។

បន្ទាប់ពីសាងឥវ៉ាន់ហើយជនរងគ្រោះ បានបើករថយន្ត​ថយក្រោយ​ បន្ទាប់រីយ៉ែថយហើយ​ ជនរងគ្រោះបានបើកទ្វាររថយន្តចុះ​ ពេលកំពុងតែបើកទ្វារស្រាប់តែរថយន្តរអិលធ្លាក់មកក្រោយ​ ធ្វើឲ្យជនរងគ្រោះ បោកផ្ទប់ទៅនឹងទូកុងតឺន័រ ដែលនៅក្បែរនោះបណ្តាលឲ្យជនរងគ្រោះ បែកគ្រឿងក្នុងស្លាប់គៀបជាប់តែម្តង​។

ក្រោយកើយហេតុសមត្ថកិច្ចមូលដ្ឋាន បានចុះមកពិនិត្យនិងធ្វើកោសល្យវិច្ច័យ​ដោយ បញ្ជាក់ថាជនរងគ្រោះពិតជាស្លាប់ ​ដោយគ្រោះថ្នាក់ខ្លួនឯងនេះមែន​ ហើយសពត្រូវបានប្រគល់ឲ្យសាច់ញាតិ​​ យកទៅធ្វើបុណ្យនៅស្រុកកំណើត​ ឯខេត្តកំពត​៕