(ភ្នំពេញ)៖ លោក ស្រី​ ចំរេីន តំណាងយុវជន និងនិស្សិតមួយចំនួន នៅម៉ោងប្រមាណ​៩ព្រឹកថ្ងៃទី០៦ ខែឧសភា​ ឆ្នាំ២០១៦នេះ បានដឹកនាំយុវជន​​ប្រមាណ៣០នាក់ ទៅដល់វេទិកា​សាធារណៈរបស់ លោក កឹម សុខា ប្រធានស្តីទី​គណបក្សសង្រ្គោះជាតិ​ នៅខេត្តកំពង់ធំ។​ លោក ស្រី ចំរើន មានបំណងស្នើសុំជួប សុំការបកស្រាយ​ពាក់ព័ន្ធរឿង​ប្រព្រឹត្ត​អំពើអនាចា​ជាមួយស្រីមុំ។

នៅថ្ងៃនេះ​​ លោក​ កឹម​ សុខា បានធ្វើពិធីនៅទីស្នាក់ការ​គណបក្សខេត្តកំពង់ធំ តាមផ្លូវជាតិលេខ៦ ភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ។ ដោយឡែកនៅថ្ងៃសៅរ៍ ទី០៧ ខែឧសភា វេលាម៉ោង៨ព្រឹក ធ្វើនៅទីស្នាក់ការគណបក្ស​ខេត្តសៀមរាប ស្ថិតក្នុងភូមិត្រ​ពាំងសេះ សង្កាត់គោកចក ក្រុងសៀមរាប ខេត្តសៀមរាប។

ខណៈ​ដែលលោកកឹម សុខាអះអាងបែបនេះ លោក ស្រី ចំរើន បានប្រាប់ Fresh News ឲ្យដឹងយ៉ាងដូច្នេះថា «ខ្ញុំបាទ និងតំណាងយុវជន៣០នាក់​ ទៅខេត្តកំពង់ធំថ្ងៃទី៦ និង ខេត្តសៀមរាប​ថ្ងៃទី៧ ខែឧសភានេះ ​ស្នើសុំជួបលោកកឹម សុខា ដើម្បីឲ្យគាត់បកស្រាយ​រឿងប្រព្រឹត្តអំ​ពើ​អនាចារជាមួយស្រីមុំ»។

សូមបញ្ជាក់ថា បច្ចុប្បន្នសំណុំរឿងអាស្រូវស្នេហ៍​របស់លោក កឹម សុខា ជាមួយនារីក្រៅផ្ទះ ដែលត្រូវបានទម្លាយតាមទំព័រ Facebook «រឿងពិត CNRP» កំពុង និងធ្វើឲ្យ មានការចាប់​អារម្មណ៍ខ្លាំងពី​មជ្ឈដ្ឋាន​នានា។ តែទោះជាយ៉ាងណា លោក កឹម សុខា នៅតែបន្តរក្សាភាពស្ងប់ស្ងាត់ដោយអនុវត្តតាមទ្រឹស្តី «មិនឆ្លើយ មិនឆ្លង មិនឈ្លោះ»។

បើទោះបីជាលោក កឹម សុខា រក្សាជំហរមិនឆ្លើយ​តបទៅនឹង​រឿងអាស្រូវនេះក្តី តែតួអង្គស្រីម្នាក់ ក្នុងចំណោម​តួអង្គជាច្រើន​នាក់ គឺកញ្ញា ខុម ច័ន្ទតារាទី ហៅស្រីមុំ បានចេញ​សារភាព និងទទួលស្គាល់​អាស្រូវ​ស្នេហ៍របស់ខ្លួន ជាមួយលោក កឹម សុខា ព្រមទាំងបានប្តឹង លោក កឹម សុខា ទារសំណងជំងឺចិត្តប្រមាណ ៣០ម៉ឺនដុល្លារផងដែរ៕