(ភ្នំពេញ)៖ បទ «ពុកម៉ែជាដួងខែកូន» ជា MV បទថ្មី របស់តារាចម្រៀងប្រុសចង្កាព្រែកប្រចាំ ក្នុងផលិតកម្ម សាស្តា លោក សាន សេរីវុឌ្ឍ បច្ចុប្បន្ន ហាក់កំពុងមានសន្ទុះទីផ្សារគាំទ្រច្រើន ក្រោយបទនេះ ត្រូវបានចេញលក់ជាផ្លូវការ និងមានការបង្ហោះផ្សព្វផ្សាយ នៅលើបណ្តាសង្គមយូធូប។ ពិសេសក៏មានការបង្ហោះនិង Share ចែករំលែកនៅលើបណ្តាញសង្គម យកហ្វេសប៊ុកនា ពេលបច្ចុប្បន្នផងដែរ។
តាមការកត់សម្គាល់ ក្រោយពីបទនេះ បានចេញចរាចរណ៍លក់ លើទីផ្សារនិងបង្ហោះនៅលើបណ្តាញសង្គមយូធូប មិនទាន់បានមួយខែផង គេសង្កេតឃើញមានការគាំទ្រច្រើន ពីសំណាក់ទស្សនិជន ជាពិសេសមិត្តៗយុវ័យតែម្តង ខណៈដែលបទ «ពុកម៉ែជាដួងខែកូន» នេះ បានច្រៀងរៀបរាប់ប្រាប់ ពីគុណបំណាច់របស់ឪពុកម្តាយ ដែលបានព្យាយាមប្រឹងប្រែង ធ្វើការងារហាលថ្ងៃមេឃភ្លៀង ដើម្បីរកប្រាក់ចិញ្ចឹមនិងឲ្យកូន បានរៀងចេះដឹង មានចំនេះខ្ពង់ខ្ពស់ ព្រមជាមួយការបញ្ចូលបទភ្លេងដ៏កំសត់ យ៉ាងពីរោលន្លង់លន្លោច ស្តាប់ហើយស្ទើរស្រក់ទឹកភ្នែកតាម ដោយមិនដឹងខ្លួន ព្រោះតែគុណបំណាច់ឪពុកម្តាយ។
បទ «ពុកម៉ែជាដួងខែកូន» គឺជាការនិពន្ធទំនុកច្រៀង ដោយលោក សាង កុសល និងច្រៀងដោយតារាប្រុសរូបសង្ហា សម្បុរសណ្តែកបាយ លោក សាន សេរីវុឌ្ឍ។ តាមរយៈបទនេះ ត្រូវបានបញ្ជូលនៅលើបណ្តាញសង្គម យូធូប ទើបតែបានរយៈពេលប្រមាណ៣សប្តាហ៍ប៉ុណ្ណោះ ដែលក្នុងនោះក៏មានការចំនួនLike និង អ្នកទស្សនា ប្រមាណជា៧ម៉ឺននាក់ ផងដែរ។
ដើម្បីបានជ្រាបកាន់ច្បាស់ថាតើបទ «ពុកម៉ែជាដួងខែកូន» របស់តារាចម្រៀង សម្បុរសណ្តែកបាយលោក សាន សេរីវុឌ្ឍ ពីរោះប្លែក និងគួរឲ្យចាប់អារម្មណ៍មានលក្ខណៈកំសត់រៀបរាប់ ពីគុណបំណាច់ឪពុកម្តាយ បែបណាខ្លះ សូមទស្សនាកម្សាន្តជាមួយ គេហទំព័រ Fresh News ទាំងអស់គ្នា៖
