(អ៊ុយក្រែន)៖ ប្រធានាធិបតីប្រទេសអ៊ុយក្រែន លោក Petro Poroshenko នៅថ្ងៃសុក្រម្សិលមិញបានបណ្តេញ លោក Viktor Gvozd ចេញពីតំណែង ជាប្រធានភ្នាក់ងារ ស៊ើបអង្កេតការបរទេសអ៊ុយក្រែន​ (SZRU) នេះបើតាមសារព័ត៌មានស៊ិនហួ ចេញផ្សាយនៅយប់ថ្ងៃទី២៨ ខែមេសា ឆ្នាំ២០១៦នេះ បានឲ្យដឹងយ៉ាងដូច្នេះ។ សេចក្តីសម្រេចរបស់លោកប្រធានាធិបតី ត្រូវបានចេញផ្សាយលើគេហទំព័រផ្លូវការរបស់លោក។

លោក Gvozd បានដឹកនាំភ្នាក់ងារ SZRU ចាប់តាំងពីខែកុម្ភៈ ឆ្នាំ២០១៤ បន្ទាប់ពីមានព្រឹត្តិការណ៍ ប្រកបដោយហិង្សា ឈានដល់ការបណ្តេញលោកប្រធានាធិបតី Viktor Yanukovych ចេញពីតំណែង។ ប៉ុន្តែយ៉ាងណាពាក់ព័ន្ធនឹងមូលហេតុនៃការបណ្តេញចេញនេះ ប្រភពខាងលើមិនបានបញ្ជាក់ឲ្យដឹងនោះទេ៕