(អាមេរិក)៖ ប្រធានស៊ើបការណ៍សម្ងាត់របស់អាមេរិក លោក James Clapper បានព្រមានជាថ្មី ថា ក្រុមឧទ្ទាម ISIS ពិតជាមានគម្រោង និងផែនការច្បាស់លាស់មួយ ដើម្បីវាយប្រហារប្រទេសអង់គ្លេស និង​ប្រទេសមួយ​ចំនួននៅក្នុង​តំបន់​អឺរ៉ុប នេះបើយោងតាមការចេញផ្សាយរបស់សារព័ត៌មាន Reuters ចេញផ្សាយនៅថ្ងៃទី២៨ ខែមេសា។

លោក Clapper បានបញ្ជាក់ដោយសង្កត់ធ្ងន់ទៀតថា នៅពេលនេះ លោកទទួលបានភស្ដុតាង​មួយ​ចំនួន ទាក់ទងនឹង​ផែនការវាយប្រហាររបស់ក្រុម ISIS ប៉ុន្តែនៅពេលនេះ ក្រុមស៊ើបការណ៍សម្ងាត់របស់លោក កំពុងតែបន្តធ្វើការ​ស្វែងរក​ភស្ដុតាងផ្សេងទៀត ជាពិសេសគឺទីតាំងពិតប្រាកដ ដែលក្រុម ISIS នឹងធ្វើភេរវកម្ម ដោយក្នុងនោះលោកបានក៏បាន​ព្រមានដល់អ៊ីតាលី, អាល្លឺម៉ង់ និង​ចក្រភពអង់គ្លេស ឲ្យមានការប្រុងប្រយ័ត្នខ្ពស់។

គួរបញ្ជាក់ផងដែរថា នៅមុននេះ លោក Clapper ក៏បានបង្ហើបឲ្យដឹងផងដែរថា ក្រុមឧទ្ទាម ISIS អាចនឹងប្រើប្រាស់​អាវុធគីមី ឬអាវុធប្រល័យលោកថ្មី ដើម្បីវាយប្រហារភេរវកម្ម៕

ប្រធានស៊ើបការណ៍សម្ងាត់របស់អាមេរិក លោក James Clapper