(ភ្នំពេញ​)៖ យ៉ាងហោចណាស់មនុស្ស៦នាក់បានស្លាប់ ​៩នាក់រងរបួសធ្ងន់ និង៤នាក់រងរបួសស្រាល ក្នុងគ្រោះថ្នាក់ចរាចរណ៍ទូទាំងប្រទេស នៅ​ថ្ងៃ​ទី​២២​ ខែមេសា​ ឆ្នាំ​២០១៦​ នេះបើយោងតាមការចុះផ្សាយ របស់គេហទំព័រអគ្គស្នងការនគរបាលជាតិ។

ប្រភពព័ត៌មានដដែលបានឲ្យដឹងទៀតថា នៅ​ក្នុង​ហេតុការណ៍​គ្រោះថ្នាក់​ ចរាចរណ៍​ទាំង​១២​លើក​នេះ​ បណ្តាល​ឲ្យ​ខូចខាត​យានយន្ត​ សរុប​ចំនួន​២១​គ្រឿង​ រួម​មាន​ម៉ូតូ​ចំនួន​១២​គ្រឿង​,​ រថយន្ត​ធុន​តូច៧​គ្រឿង​, ​រថយន្ត​ធុន​ធំ​១​គ្រឿង​,​ យានយន្ត​ផ្សេងៗ​១​គ្រឿង​ ហើយមូលហេតុ​ដែល​បណ្តាល​ ឲ្យ​កើត​មាន​ករណី​គ្រោះថ្នាក់​ចរាចរណ៍​ រួម​មាន​ ល្មើស​ល្បឿន​៩​លើក​ (​ស្លាប់​៥​នាក់​) ​ប្រជែង​១​លើក​,​ បត់គ្រោះថ្នាក់​១​លើក​ (​ស្លាប់​១​នាក់​)​,​ មិន​គោរព​សិទ្ធិ១​លើក​។​ ក្នុង​នោះ​អ្នក​មិន​ពាក់មួក​សុវត្ថិភាព​ ពេល​គ្រោះថ្នាក់​ចរាចរណ៍​១៧​នាក់​ (​យប់​៦​នាក់​)​៕