(អាមេរិក)៖ តន្ត្រីករដ៏មានប្រជាប្រិយភាពខ្លាំង និង ប្រកបដោយឥទ្ធិពល ដែលមានឈ្មោះថា Prince (ព្រះអង្គម្ចាស់) បានទទួលមរណភាពហើយ ស្ថិតក្នុងវ័យ ៥៧ឆ្នាំ នៅក្នុងលំនៅដ្ឋានរបស់លោកនារដ្ឋ Minnesota សហរដ្ឋអាមេរិកអាមេរិក។ នេះបើតាមការចេញផ្សាយ ដោយសារព័ត៌មាន BBC នៅព្រឹកថ្ងៃសុក្រ ទី២២ ខែមេសា ឆ្នាំ២០១៦។
ប៉ូលិសអាមេរិក បានចុះទៅត្រួតពិនិត្យលំនៅដ្ឋានរបស់លោក Prince ដែលស្ថិតនៅឧទ្យាន Paisley Park កាលពីថ្ងៃព្រហស្បតិ៍ និង បានប្រទះឃើញសាកសពរបស់លោកនៅលើជណ្តើរ។ បន្ទាប់ពី នោះប៉ូលិសក៏មានការសង្ស័យចំពោះការស្លាប់នេះ និងចាប់ផ្តើមធ្វើការស៊ើបអង្កេត លើករណីខាងលើភ្លាមៗ។
គួរបញ្ជាក់ថាលោក Prince បានក្លាយជាតារាចម្រៀងល្បីល្បាញជាសកល កាលពីអំឡុងទសវត្សរ៍ ១៩៨០ ហើយអាល់ប៊ុម ចម្រៀងរបស់លោកបានលក់មកដល់ឆ្នាំ ១៩៩៩ ក្នុងមានដូចជា Purple Rain និង Sign O' the Times ជាដើម។ លោកបានបង្កើតចម្រៀងជាច្រើនដូចជាចង្វាក់ Rock Funk និង Jazz។ អំឡុងពេលនៃភាពល្បីល្បាញលោកបានលក់អាល់ប៊ុមអស់ ១០០លានបន្ទះ នៅទូទាំងពិភពលោក៕
