(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នឹងអញ្ជើញអធិបតីភាព នៅក្នុងកិច្ចប្រជុំគណៈរដ្ឋមន្រ្តី ដែលរៀបចំធ្វើ នៅថ្ងៃស្អែក។
កិច្ចប្រជុំគណៈរដ្ឋមន្រ្តីនៅថ្ងៃស្អែក នឹងពិភាក្សាលើរបៀបវារៈសំខាន់ៗ រួមមាន៖ ការពិភាក្សាពីសេចក្តីព្រាងច្បាប់ ស្តីពីយុត្តិធម៌អនីតិជន សេចក្តីព្រាងផែនការមេឆ្ពោះទៅជាម្ចាស់ផ្ទះនៃការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (២០១៦-២០២៣)។
ចុងក្រោយពិភាក្សាពីបញ្ហាផ្សេងៗ លើសំណើរការយល់ព្រមពីគណៈរដ្ឋមន្រ្តី ដើម្បីសុំសច្ចាប័នពីស្ថាប័ននីតិប្បញ្ញត្តិលើ «កិច្ចព្រមព្រៀង រវាងរាជរដ្ឋាភិបាល នៃកម្ពុជា និងរដ្ឋាភិបាលហុងគ្រី ស្តីពីការជុំរុញ និងការការពារទៅវិញទៅមកនៃវិនិយោគ»។
កិច្ចប្រជុំគណៈរដ្ឋមន្រ្តី នឹងប្រព្រឹត្តទៅនៅវេលាម៉ោង ៨៖៣០នាទីព្រឹក ថ្ងៃសុក្រ ទី២២ ខែមេសា ឆ្នាំ២០១៦ នៅវិមានសន្តិភាព៕
