(ភ្នំពេញ)៖ មានករណីអគ្គីភ័យមួយបានកើតឡើង នៅវេលាម៉ោង១២៖១៥នាទីថ្ងៃត្រង់ថ្ងៃទី១៦ ខែធ្នូ ឆ្នាំ២០២១នេះ នៅចំណុចផ្ទះលេខ៤៤J៣ ផ្លូវបេងតុងលេខ៣៨E៤ ភូមិត្រពាំងល្វា២ ក្រុម១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
របាយការណ៍របស់លោកវរសេនីយ៍ឯក ព្រហ្ម យ៉ន នាយការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ដែលបណ្ដាញព័ត៌មាន Fresh News ទទួលបានបញ្ជាក់ថា ផ្ទះដែលមានអគ្គិភ័យនេះមានម្ចាស់ឈ្មោះ លី ឃុន អាយុ៤០ឆាំ្ន មុខរបរលក់គ្រឿងសោ្នរ។
បើតាមរបាយការណ៍សមត្ថកិច្ច បានឲ្យដឹងថា ក្នុងហេតុការណ៍នេះ បានបណ្ដាលឲ្យឆេះផ្ទះ៣ល្វែង។ ដោយឡែក សម្រាប់ប្រតិបត្តិការសង្គ្រោះវិញ សមត្ថកិច្ចប្រើប្រាស់រថយន្តការិយាល័យអគ្គិភ័យ ចំនួន២២គ្រឿង ប្រើប្រាស់ទឹកអស់៤៤ឡាន និងរថយន្តជំនួយអន្តរាគមន៍របស់ក្រុមហ៊ុនស្រាបៀរកម្ពុជា ចំនួន១គ្រឿង ប្រើប្រាស់ទឹកអស់២ឡាន ទើបអាចគ្រប់គ្រងបានទាំងស្រុង៕
