(​ហ្សា​ការតា​)៖ មនុស្ស ០៧​នាក់​បាន​ស្លាប់​ភ្លាមៗ​នៅ​ហ្នឹង​កន្លែងកើតហេតុ និង បួន​នាក់​ផ្សេងទៀត រងរបួស​បន្ទាប់ពី​ពួកគេ​ត្រូវបាន​រន្ទះបាញ់​នៅ​កោះ​ស៊ូ​ម៉ា​ត្រា​ខាងត្បូង នៃ​ប្រទេស​ឥណ្ឌូនេស៊ី​។ នេះ​បើ​តាម ការចេញផ្សាយ​មុននេះ​បន្តិច ដោយ​ទីភ្នាក់ងារ​ព័ត៌មាន​ចិន​ស៊ិន​ហួរ នៅ​ថ្ងៃ​ទី​២០ ខែ​មេសា ឆ្នាំ​២០១៦​។​

​ដំបូង​ឡើយ​មនុស្ស​ទាំង ១១​នាក់​ខាងលើ​នេះ បាន​ជ្រក​នៅ​ក្នុង​ខ្ទម​មួយ​កណ្តាល​វាលស្រែ ដើម្បី​គេច​ពី ទឹកភ្លៀង​ក្នុង​ភូមិ Talang Jernih នៃ​ស្រុក Muara Enim​។ អ្នក​រងរបួស​ទាំង បួន​នាក់​នោះ​មាន​សភាព ធ្ងន់ធ្ងរ​ខ្លាំង​ណាស់ ដែល​កំពុង​សម្រាក​ព្យាបាល​នៅ​មន្ទីរពេទ្យ​។ នេះ​គឺជា​គ្រោះ​ធម្មជាតិ​ដ៏​អាក្រក់​មួយ សម្រាប់​ឥណ្ឌូណេស៊ី ជា​លើកដំបូង​ក្នុង​ឆ្នាំ ២០១៦​នេះ​៕​