(បន្ទាយមានជ័យ)៖ លោកឧបនាយករដ្ឋមន្ត្រី កែ គឹមយ៉ាន បានថ្លែងទៅកាន់ប្រជាពលរដ្ឋ រស់នៅស្រុកព្រះនេត្រព្រះថា សម្តេចតេជោ ហ៊ុន សែននាយករដ្ឋមន្ត្រីនៃកម្ពុជា មិនទុកឲ្យពលរដ្ឋរស់នៅវាទនាឡើយ ហើយក្នុងនាមលោកចុះជួយថ្នាក់ជាតិ ក៏មិនទុកឲ្យប្រជាជននៅក្នុងខេត្តបន្ទាយមានជ័យ មានដំបូលផ្ទះស្បូវបន្តទៀតឡើយ គឺត្រូវដំបូលផ្ទះស័ង្កសីទាំងអស់។
ក្នុងនោះលោកឧបនាយករដ្ឋមន្ត្រី បានកោសសសើរដល់មន្ត្រីគ្រប់លំដាប់ថ្នាក់ តែងតែប្រឹងប្រែងបំពេញកាតព្វកិច្ចយ៉ាងល្អជូនពលរដ្ឋគ្រប់។
នាព្រឹកថ្ងៃទី១១ ខែមេសា ឆ្នាំ២០១៦នេះ ពលរដ្ឋរស់នៅក្នុងស្រុក ព្រះនេត្រព្រះទទួលបានផ្ទះប្រក់ស័ង្កសីចំនួន ១៦៥ខ្នង ផ្ទះពីលោកឧបនាយករដ្ឋមន្រ្តី កែ គឹមយ៉ាន នៅក្នុងបរិវេណសាលា បឋមសិក្សា ភ្នំលៀប ស្ថិតនៅឃុំ ភ្នំលៀប ស្រុក ព្រះនេត្រព្រះ ខេត្តបន្ទាយមានជ័យ។ ប្រជាជនចំនួន ជាង ៧០០ នាក់ និងពាំនាំយកការសួរសុខទុក្ខ ពីសម្តេចតេជោ និងសម្តេចប៊ុន រ៉ានី ហ៊ុន សែនផងដែរ។
ពលរដ្ឋចំនួន១៦៥ ខ្នងផ្ទះរស់នៅស្រុក ព្រះនេត្រព្រះ ទទួលបានមួកសុវត្ថិភាភ១ កន្ទេល១ ម៉ុង១ ឆ្នាំងបាយ១ ចានបាយ៦ ចានសម្ល៦ ទឹកស៊ីអ៊ិវ១យួរ ស្លាបព្រា១ឡូ ទឹកត្រី១យួរ អំបិល ប៊ីចេង នំធុង ១ធុងតូចសារុង១ ក្រមា១ និងថវិការមួយចំនួន ។
ដោយឡែក ពលរដ្ឋរងគ្រោះខ្យល់កន្ត្រាក់ចំនួន៧គ្រួសារ ទទួលបាន អង្ក៣០គីឡូក្រាម ទឹកស៊ីអ៊ិវ ១យួរ ទឹកត្រី១យួរ អំបិល ប៊ីចេង ត្រីខ១០កំប៉ុង មី១កេស សារុង១ តង់កៅស៊ូ១ផ្ទាំង និងថវិកាមួយចំនួន និងស័ង្កសី ចំនួន១០០សន្លឹកផ្ទះ៧ខ្នង។ សម្រាប់ពលរដ្ឋ និវត្តន៍ជន និងអតីតយុទ្ធជនចំនួន៣០នាក់ ទទួលបាន សារុង១ វែនតា១ និងថវិកាមួយចំនួន ។ សម្រាប់ពលរដ្ឋចូលរួមចំនួន២០០នាក់ទទួលបានសារុង ១ និងថវិកាមួយចំនួន៕
