(ភ្នំពេញ)៖ ដើម្បីចូលរួមចំណែកក្នុងការអភិវឌ្ឍធនធានមនុស្សឲ្យកាន់តែមានប្រសិទ្ធភាព Fresh News បានបង្កើតនូវកម្មវិធីថ្មីមួយគឺ «យុវជនជឿនលឿន» ។ កម្មវិធីនេះផ្ដោតសំខាន់ទៅលើការអប់រំ ជាមួយនិងការកំសាន្ត បង្ហាញអំពីគន្លឹះនៅក្នុងការសិក្សា ជាពិសេសសម្រាប់ថ្នាក់ទី១២ និងអ្នកត្រៀមរើសជំនាញសិក្សាបន្ត។

ជាមួយគ្នានេះក៏មានការ បង្ហាញពីគន្លឹះនៃការស្វែងរកអាហាររូបករណ៍ គ្រប់កម្រិត ទាំងក្នុងនិងក្រៅប្រទេស ការគ្រប់គ្រងហិរញ្ញវត្ថុជូនដល់យុវជនព្រមជាមួយចំណេះដឹងថ្មីៗ អំពីព័ត៌មានវិទ្យា ក៏ដូចជាការសម្របខ្លួននៅក្នុងសង្គម និងការងារ ជាពិសេសកម្មវិធីនេះក៏មានការបង្ហាញជូន នូវការសិក្សាអំពីជំនាញវិជ្ជាជីវៈថែមទៀតផង។ ដើម្បីធ្វើយ៉ាងណាឲ្យយុវវ័យមានការសម្រេចចិត្តបានច្បាស់លាស់ និងត្រឹមត្រូវក្នុងការជ្រើសរើសជំនាញសិក្សាបន្ត ក្រោយបញ្ចប់ថ្នាក់វិទ្យាល័យ ឲ្យស្របជាមួយការពេញចិត្តរបស់ខ្លួន ក៏ដូចជាទីផ្សារការងារនៅក្នុងប្រទេស។

ដូច្នេះសូមកុំភ្លេចតាមដានទស្សនាកម្មវិធីថ្មីរបស់អង្គភាពព័ត៌មាន Fresh News ដែលនឹងមានការផ្សាយជូនទស្សនានាពេលឆាប់ៗខាងមុខនេះ៕