(ក្រចេះ)៖ កម្លាំងចម្រុះបានបេីកប្រតិបត្តិការបង្ក្រាបរថយន្ដសាំយ៉ុងចំនួន២គ្រឿង ដឹកឈេីប្រណីតកាលពីយប់ថ្ងៃទី៨ ខែមេសា ឆ្នាំ២០១៦ នៅលេីផ្លូវជាតិលេខ៧ ត្រង់ចំនុចភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ។
លោកនាយសង្កាត់រដ្ឋបាលព្រៃឈេីឃ្សឹមបានឲ្យដឹងថា កម្លាំងរបស់លោកសហការជាមួយកម្លាំងខណ្ឌរដ្ឋបាលព្រៃឈេីក្រចេះ ផ្នែករដ្ឋបាលព្រៃឈេីស្នួល អាវុធហត្ថខេត្ត និងនគរបាលស្រុកស្នួល ទេីបធ្វេីការបង្ក្រាបបាន ពីព្រោះរថយន្ដដឹកឈេីខុសច្បាប់ទាំងនេះតែងតែបេីកប្រដែញគ្នា និងបិទជែញរេពេញផ្លូវ ហេីយធ្លាប់បុករថយន្ដសមត្ថកិច្ច និងខោករថយន្ដសមត្ថកិច្ចធ្លាក់ពីលេីផ្លូវក៏មានដែរ។
ជាក់ស្ដែងកាលពីដេីមសប្ភាហ៍នេះ ក្រុមរថយន្ដសាំងយ៉ុងដឹកឈេីខុសច្បាប់ទាំងនោះ បានបេីកបិទជែងគ្នាទៅវិញទៅមក ហើយក៏ប៉ះទង្គិចជាមួយរថយន្ដនគរបាលសេដ្ឋកិច្ចខេត្តក្រចេះ ធ្លាក់ពីលេីផ្លូវខូចខាតរថយន្ដស្ទេីរទាំងស្រុង បណ្តលឲ្យរងបួសបាក់ដៃ និងបែកក្បាល ដែលកំពុងសំរាកព្យាបាល មិនទាន់ចេញពីពេទ្យនៅឡើយ។
មន្រ្តីរដ្ឋបាលព្រៃឈើរូបនេះបានបន្តទៀតថា ប្រភេទឈើទាំងនេះ រួមមានកកោះ សុក្រម ស្រឡៅ និងផ្ចឹកហេីយឈេីទាំងនោះមានចំនួនជិត៥ម៉ែត្រគូប។ បច្ចុប្បន្នឈេី និងរថយន្ដកម្លាំងជំនាញនាំយកមករក្សាទុកនៅសង្កាត់រដ្ឋបាលព្រៃឈេីឃ្សឹម ដេីម្បីចាត់តាមច្បាប់ ខណ:ដែលអ្នកបើករថយន្តរត់គេចខ្លួនបាត់៕
