(ភ្នំពេញ)៖ លោក លឹម ជាវុត្ថា អគ្គនាយកអង្គភាពព័ត៌មាន Fresh News ផ្ញើសាររំលែកទុក្ខចំពោះការទទួលមរណភាពរបស់ឧបាសិកា ហួត សាក់ ដែលត្រូវជាម្តាយបង្កើតរបស់លោក ពេជ្រ ប៊ុនសាយ អគ្គនាយករង អង្គភាពព័ត៌មាន Fresh News។
សាររំលែកទុក្ខរបស់លោក លឹម ជាវុត្ថា បានរៀបរាប់ថា៖ «ក្នុងនាមអង្គភាពព័ត៌មាន FRESH NEWS និងក្នុងនាមខ្ញុំផ្ទាល់ លឹម ជាវុត្ថា ស្ថាបនិក និងជាអគ្គនាយក មានសេចក្តីក្តុកក្តួល រន្ធត់ចិត្ត ដោយបានទទួលដំណឹងថា ឧបាសិកា ហួត សាក់ បានទទួលមរណភាព នៅម៉ោង៥៖១៥នាទីទៀបភ្លឺ ថ្ងៃសៅរ៍ ៩រោច ខែអស្សុជ ឆ្នាំឆ្លូវ ត្រីស័ក ព .ស ២៥៦៥ ត្រូវនឹងថ្ងៃទី៣០ ខែតុលា ឆ្នាំ២០២១ ដោយរោគាពាធ ត្រូវជាម្តាយបង្កើតរបស់ លោក ពេជ្រ ប៊ុនសាយ អគ្គនាយករង អង្គភាពព័ត៌មាន Fresh News។
ក្នុងនាមអង្គភាពព័ត៌មាន Fresh News និងក្នុងនាមខ្ញុំផ្ទាល់ សូមចូលរួមរំលែកទុក្ខយ៉ាងក្រៀមក្រំបំផុតចំពោះក្រុមគ្រួសារសព និងសូមឧទ្ធិស និងបួងសួង ដល់វិញ្ញាណក្ខន្ធរបស់ ឧបាសិកា ហួត សាក់ សូមបានទៅកាន់សុគតិភពកុំបីអាក់ខានឡើយ»។
