(ភ្នំពេញ)៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់ តែងតាំងមន្ត្រី៣រូប របស់គណៈកម្មាធិការជាតិ គ្រប់គ្រងគ្រោះមហន្តរាយ ដែលក្នុងនោះមាន២រូប ជាទីប្រឹក្សាគណៈកម្មាធិការជាតិ គ្រប់គ្រងគ្រោះមហន្តរាយ និង១រូបជា ប្រធានមជ្ឈមណ្ឌលសម្របសម្រួល កិច្ចការគ្រោះមហន្តរាយ និងអាស៊ាន។
មន្ត្រីទាំង៣នោះរួមមាន៖ ១-លោក ហេង អ៊ុយហុក ជាទីប្រឹក្សាគណៈកម្មាធិការជាតិ គ្រប់គ្រងគ្រោះមហន្តរាយ មានឋានៈស្មើរដ្ឋលេខាធិការ, ទី២-លោកស្រី អ៉ឹង ផាន្នី ជាទីប្រឹក្សាគណៈកម្មាធិការជាតិ គ្រប់គ្រងគ្រោះមហន្តរាយ ឋានៈស្មើអនុរដ្ឋលេខាធិការ និងទី៣-លោក ប្រាក់ គឹម ហុង ជាប្រធានមជ្ឈមណ្ឌលសម្របសម្រួល កិច្ចការគ្រោះមហន្តរាយ និងអាស៊ាន ឋានៈស្មើអគ្គនាយក៕
