(​ប៉េកាំង​)៖ ស្រប​ទៅ​តាម​ការអញ្ជើញ​របស់​ប្រធានាធិបតី​ប្រទេស​ចិន លោក Xi Jinping , ប្រធានាធិបតី​ប្រទេស​ស្វីស លោក Johann Schneider-Ammann នឹង​ធ្វើ​ដំណើរ​ទស្សនៈកិច្ច​ជា​ផ្លូវការ​មកកាន់​ប្រទេស​ចិន ចាប់ពី​ថ្ងៃ​ទី​០៧ ដល់​ថ្ងៃ​ទី​០៩ ខែ​មេសា ឆ្នាំ​២០១៦​ខាងមុខ នេះ​បើ​តាម​ការ​ឲ្យដឹងពី អ្នកនាំពាក្យ​ក្រសួងការបរទេស​ចិន លោក Lu Kang ចេញ​ផ្សាយ​ដោយ​សារព័ត៌មាន​ស៊ិនហួ នៅ​ថ្ងៃ​ទី​៣១ ខែ​មីនា ឆ្នាំ​២០១៦​នេះ​។​

​តាមរយៈ​ការធ្វើដំណើរ ទស្សនៈកិច្ច​ផ្លូវការ របស់​ថ្នាក់ដឹកនាំ​កំពូល​នេះ ត្រូវបាន​គេ​រំពឹងថា នឹង​រឹតចំណង​មិត្តភាព​នៃ​ប្រទេស​ទាំង​ពីរ ព្រមទាំង​បង្កើន​ទំនាក់ទំនង ពាណិជ្ជកម្ម​ទ្វេរ​ភាគី​ផងដែរ​៕