(ភ្នំពេញ)៖ បន្ទាប់ពីចុះប្រមូលទិញផ្លែមៀនក្រអូប-តាង៉ែនរបស់ប្រជាកសិករនៅខេត្តបាត់ដំបង អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន «ឡេង ណាវ៉ាត្រា» បានប្រកាសដាក់លក់ផ្លែឈើនេះនៅផ្សារទំនើប Heritage ក្រុងសៀមរាប ខេត្តសៀមរាប ចាប់ពីថ្ងៃទី០៥ ខែកញ្ញា ឆ្នាំ២០២១ ស្អែកនេះតទៅហើយ។

អ្នកឧកញ៉ា ឡេង ណាវ៉ាត្រា បានអះអាងថា ផ្លែមៀន-តាង៉ែនទាំងនោះសុទ្ធតែល្អៗ ដោយ ១ គីឡូក្រាម តម្លៃត្រឹមតែ ១,៩០០ រៀលប៉ុណ្ណោះ។

ក្រៅពីនេះក៏នៅមានលក់នៅគ្រប់សាខាផ្សារកសិផលធម្មជាតិ ឡេង ណាវ៉ាត្រា ទាំងអស់ផងដែរ។

សូមជម្រាបថា ដោយមានការណែនាំដោយផ្ទាល់ពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ប្រធានកាកបាទក្រហមកម្ពុជា អ្នកឧកញ៉ា ឡេង ណាវ៉ាត្រា នៅថ្ងៃទី០៣ ខែកញ្ញា ឆ្នាំ២០២១ បានធ្វើដំណើរចុះទៅប្រមូលទិញផ្លែមៀនក្រអូប-តាង៉ែនរបស់ប្រជាកសិករនៅខេត្តបាត់ដំបង៕