(​ភ្នំពេញ)៖ ឌីជី បានជ្រើសរើសអ្នក ឈ្នះចំនួន៣៥រូប ដែលក្នុងនោះមាន១៦នាក់ ត្រូវបានជ្រើសរើស ដោយប្រកាសរង្វាន់​ភ្លាមៗតែម្ដង តាមរយៈប្រព័ន្ធបង្វិល ដោយស្វ័យប្រវត្តិ។ ចំណែក១៩​នាក់ទៀត គឺតម្រូវមកកាន់ការិយាល័យឌីជី ដើម្បីធ្វើការចាប់រង្វាន់ ដោយអតិថិជនផ្ទាល់ នាម៉ោង៣រសៀលថ្ងៃទី៣០ ខែមីនា ២០១៦​ នេះ។
 
រយៈពេលរង់ចំា ការចាប់រង្វាន់ធំដោយផ្ទាល់ ពីអតិថិជន នៅទីបំផុតបានរកឃើញ អ្នកមានសំ​ណាងជាម្ចាស់រង្វាន់ធំហើយ គឺបានទៅលើអតិថិជន​ឈ្មោះ ដួង តារាជ័យរិទ្ធ ទទួលបានរង្វាន់ iPad មួយគ្រឿង និងមានអតិថិជន ជាច្រើនរូបផ្សេងទៀត ទទួលបានរង្វាន់ ពីឌីជីដូចជា Transcend 2.5" ទំហំ1TB ដុំ Wifi រ៉ោតទ័រចង្ងាយ 150Mbps PRN2001 និងមានឧបករណ៍ OTG Flash Drive ទំហំ 32GB ដែលអតិថិជន អាចស្វែងរកឈ្មោះអ្នកឈ្នះ ក្នុងគេហទំព័រ www.digi.com.h/win ។  

អតិថិជនរបស់ ឌីជី ដែលជាម្ចាស់រង្វាន់ផ្សេងៗគ្នានោះ ក៏បានបង្ហាញពីអារម្មណ៍ សប្បាយរីករាយដែលខ្លួនមិនត្រឹមតែ បានប្រើនូវសេវាកម្មអ៉ីនធឺណិត ដែលមានល្បឿនលឿន ព្រមទាំងការផ្តល់ជូន នូវសេវាកម្មផ្សេងៗ រាប់មិនអស់ប៉ុណ្ណោះទេ ថែមទាំងបានទទួលនូវរង្វាន់ ថែមទៀតផង។ ការចាប់ឆ្នោតផ្សងសំណាង រកអ្នកឈ្នះរង្វាន់នេះផងដែរ  គឺជាការបញ្ជាក់ឲ្យឃើញ ពីការយកចិត្តទុក​ដាក់របស់ក្រុមហ៊ុន ក្នុងការលើកទឹកចិត្តអតិថិជន ដោយមិនត្រឹមតែ ពង្រឹងនូវសេវាកម្មដ៏ល្អ ប៉ុន្តែក្រុមហ៊ុនបានសម្រួល និងបង្កើតកម្មវិធីជាច្រើនសម្រាប់អតិថិជនរបស់ខ្លួន ។

ដោយឡែក ចំពោះអ្នកដែលមានចំណាប់ អារម្មណ៍នឹងកម្មវិធី ព្រមទាំងការប្រើប្រាស់អ៉ីនធឺណិតទាំងអស់ ឲ្យចូលទៅកាន់គេហទំព័រ www.digi.com.kh ឬទំព័រហ្វេសប៊ុក www.facebook.com/digiclub ដើម្បីតាមដាន និងទទួលបានដំណឹង អំពីឱកាសឈ្នះក្រោយៗ ព្រមទាំងអំពីការបន្ថែមជូនពិសេសៗ ពីក្រុមហ៊ុន បានកាន់តែច្រើនបន្ថែមទៀត ដែលគេនិយម​ហៅថា «ឌីជី លើសពីសេវាអ៉ីនធឺណិត»។

គួររំឭកផងដែរថា កាលពីខែកុម្ភៈកន្លងទៅនេះ ឌីជី បានបង្កើតឲ្យមានការចូលរួម ផ្សងសំណាង ឈ្នះរង្វាន់ដោយគ្រាន់តែបំពេញលក្ខខណ្ឌ ងាយៗទៅលើការប្រើប្រាស់ សេវាអ៉ីនធឺណិត របស់អតិថិជន៕