​(ភ្នំពេញ​)៖​ យ៉ាងហោចណាស់មានមនុស្ស២នាក់ បានស្លាប់ដោយសារគ្រោះថ្នាក់ចរាចរណ៍ ខណៈ១៧នាក់របួសធ្ងន់ និង៨នាក់របួសស្រាល ក្នុងគ្រោះថ្នាក់ចរាចរណ៍ ទូទាំងប្រទេសថ្ងៃទី២៧ ខែមីនា ឆ្នាំ២០១៦ម្សិលមិញ នេះបើតាមការចុះផ្សាយ របស់គេហទំព័រអគ្គស្នងការនគរបាលជាតិ។

ប្រភពព័ត៌មានដដែលបានឲ្យដឹងថា នៅ​ក្នុង​ហេតុការណ៍​គ្រោះថ្នាក់​ចរាចរណ៍​ទាំង​ ១៣​លើកនៅថ្ងៃម្សិលមិញ​នេះ​ បណ្តាល​ឲ្យ​ខូចខាត​យានយន្ត​ សរុប​ចំនួន​២០​គ្រឿង​ រួម​មាន​ម៉ូតូ​ចំនួន​១៦​គ្រឿង​,​ រថយន្ត​ធុន​តូច​២​គ្រឿង​, ​រថយន្ត​ធុន​ធំ​១​គ្រឿង​,​ យាន​ផ្សេងៗ​១​គ្រឿង​,​ ថ្មើរជើង​១​នាក់​ ហើយមូលហេតុ​ដែល​បណ្តាល​ ឲ្យ​កើត​មាន​ករណី​គ្រោះថ្នាក់​ចរាចរណ៍​ រួម​មាន​ល្មើស​ល្បឿន​៥​លើក​,​ ស្រវឹង​៤​លើក​,​ មិន​ប្រកាន់​ស្តាំ​៤​លើក​ (​ស្លាប់​២​នាក់​)​ ។​ ក្នុង​នោះ​អ្នក​មិន​ពាក់មួក​សុវត្ថិភាព​ ពេល​គ្រោះថ្នាក់​ចរាចរណ៍​ ២៣​នាក់​ (​យប់​១០​នាក់​)​ ។

នៅ​ថ្ងៃ​ទី​២៧​ ខែមីនា​ ឆ្នាំ​២០១៦​ម្សិលមិញនេះផងដែរ លទ្ធិ​ផល​ត្រួតពិនិត្យ​អនុវត្ត​ច្បាប់​ចរាចរណ៍​ផ្លូវគោក​ឃើញ​ថា​ យានយន្ត​ដែល​ល្មើស​សរុប​ទូ​ទាំង​ប្រទេស​មាន​ ចំនួន​៤,៤២៧​គ្រឿង​ ក្នុង​នោះ​បាន​ធ្វើការ​អប់រំ​ចំនួន​២,១២៧​គ្រឿង​ ពិន័យ​សរុប​២,៣០០​គ្រឿង​ និង​អប់រំ​អ្នក​មិន​ពាក់មួក​សុវត្ថិភាព០​នាក់​ ៕ ​