(ភ្នំពេញ)៖ លោក ឌី វិជ្ជា និងលោកស្រី ហ៊ុន ម៉ាណា បានផ្តល់គ្រឿងឧបភោគ បរិភោគ និងសម្ភារៈប្រើប្រាស់មួយចំនួនជូនដល់កុមារកំព្រា ដែលកំពុងរស់នៅក្នុងមណ្ឌល «មែកឈើ» ស្ថិតនៅក្នុងខណ្ឌកំបូល បន្ទាប់ពីទទួលបានព័ត៌មានពីការខ្វះខាតរបស់កុមារនៅក្នុងមណ្ឌលនេះ។
អំណោយដ៏មានគុណតម្លៃរបស់លោក ឌី វិជ្ជា និងលោកស្រី ហ៊ុន ម៉ាណា សម្រាប់ទ្រទ្រង់ដល់ការរស់នៅរបស់កុមារកំព្រាក្នុងមណ្ឌលនេះ ត្រូវបានលោក ជិន ប៊ុនធឿន និងក្រុមការងារមនុស្សធម៌នាំយកទៅជូនដល់កុមារទាំងនោះនៅព្រឹកថ្ងៃទី០១ ខែកក្កដា ឆ្នាំ២០២១។
នាឱកាសនោះលោក ជិន ប៊ុនធឿន បានពាំនាំនូវការសួរសុខទុក្ខពីសំណាក់លោក ឌី វិជ្ជា និងលោកស្រី ដែលជានិច្ចកាលតែងតែគិតគូរពីការលំបាករបស់ក្មេងៗរស់នៅតាមអង្គការ សមាគម និងមណ្ឌលនានានៅកម្ពុជា។ ជាពិសេសក្មេងៗក្នុងមណ្ឌលមែកឈើ ដែលកំពុងប្រឈមបញ្ហាជីវភាពព្រោះវិបត្តិនៃការរីករាលដាលជំងឺកូវីដ១៩។
លោក ជិន ប៊ុនធឿន ក៏បានអំពាវនាវ និងក្រើនរំឭកដល់បុគ្គលិកមណ្ឌល ក៏ដូចជាក្មេងៗក្នុងមណ្ឌលឱ្យចូលរួមអនុវត្តន៍នូវវិធានសុខាភិបាល «៣ការពារ និង ៣កុំ» ធ្វើយ៉ាងណាកុំឱ្យមានការរីករាលដាលចូលក្នុងសហគមន៍បន្តទៀត។
សូមបញ្ជាក់ថា លោក ផន ផល្លា ជាអតីតក្មេងធ្លាប់រស់នៅក្នុងមណ្ឌល ត្រូវបានឱ្យកាន់តួនាទីបន្តជាប្រធានថ្មីតាំងពីដើមឆ្នាំ២០២០មកម្ល៉េះ ដេីម្បីដឹកនាំ និងស្វែងរកជំនួយពីសប្បុរសជននានាក្នុងស្រុក និងក្រៅស្រុកនាពេលកន្លងមក។
បច្ចុប្បន្នលោកមានផ្ទុកជំងឺកូវីដ-១៩ ក្នុងស្ថានភាពធ្ងន់ធ្ងរ កំពុងទទួលការព្យាបាល ចំណែកឯកុមារចំនួន ១០នាក់ផ្សេងទៀត ក៏បានឆ្លងហើយកំពុងសំរាកព្យាបាលនៅមន្ទីរពេទ្យគន្ធបុប្ផា។ ទើបធ្វើឱ្យមណ្ឌលនេះប្រឈមនឹងការខ្វះខាតដើម្បីបន្តចិញ្ចឹមកុមារក្នុងមណ្ឌល។
អំណោយរបស់លោក ឌី វិជ្ជា និងលោកស្រី ហ៊ុន ម៉ាណា ផ្តល់ជូនមណ្ឌលកុមារកំព្រាមែកឈើរួមមាន៖
១៖ អង្គរចំនួន ១០បេ (ស្មើនឹង ៥០០គីឡូ)
២៖ ត្រីខចំនួន ៥កេស (ស្មើនឹង ៥០០កំប៉ុង)
៣៖ មីចំនួន ១០កេសធំ (ស្មើនឹង ៦០កេសតូច)
៤៖ ត្រីងៀតចំនួន ១០គីឡូ
៥៖ សាច់ក្រកចំនួន ១០គីឡូ
៦៖ សាច់ជ្រូកផាត់ចំនួន ១០គីឡូ
៧៖ ទឹកដោះគោខាប់ចំនួន ៤កេស (ស្មើនឹង ៩៦កំប៉ុង)
៨៖ អូវ៉ាន់ទីនចំនួន ៥កញ្ចប់ធំ (ស្មើនឹង ២៥០កញ្ចប់តូច)
៩៖ ស្ករសចំនួន ១បេ (មាន ២៥គីឡូក្រាម)
១០៖ អំបិលចំនួន ១បេ (មាន ២៥គីឡូក្រាម)
១១៖ ទឹកត្រីចំនួន ៥យួរ ( ស្មើនឹង ៣០ដប)
១២៖ ទឹកស៊ីអីវចំនួន ៥យួរ (ស្មើនឹង ៣០ដប)
១៣៖ ប៊ីចេងចំនួន ១បេ (មាន ២៥គីឡូក្រាម)
១៤៖ ប្រេងឆាចំនួន ៥ដបធំ (ស្មើនឹង ២៥លីត្រ)
១៥៖ សាប៊ូដុំចំនួន ១០០ដុំ
១៦៖ វីតាមីនសេចំនួន ៣០ប្រអប់ (ស្មើនឹង ៣០០ទីប)
១៧៖ ប្រេងក្រឡាចំនួន ៥ដុំ (ស្មើនឹង ៦០ដប)
១៨៖ ប្រេងខ្យល់ចំនួន ៥ដុំ (ស្មើនឹង ៦០ដប)
១៩៖ ម៉ាសចំនួន ៦០ប្រអប់
ដោយឡែកបុគ្គលិកចំនួន២០នាក់ចូលរួមក្នុងកម្មវិធីម្នាក់ៗទទួលបានឃីដ០១ រួមមាន៖ ក្រម៉ា ០១ , សារ៉ុង ០១, ច្រាស និងថ្នាំដុសធ្មេញ ០១ឈុត, សាប៊ូ ០១, ថ្នាំពេទ្យ ០១ ប្រអប់, ទឹកអាកុល ០១ដបតូច, ម៉ាស់ ១០បន្ទះ, ប្រេងកូឡា ០១ដប និងប្រេងខ្យល់ ០១ ដបផងដែរ។
សម្រាប់កុមារចំនួន ៨០នាក់ ក្នុងម្នាក់ៗក៏ទទួលបានកាបូបសិក្សាដ៏ស្រស់ស្អាត ០១ផងដែរ ដែលក្នុងនោះមានដូចជា៖សម្លៀកបំពាក់ ០១សម្រាប់, អាកុល ០១ដប, សៀវភៅ ០២ក្បាល, ប៊ិច ០២ដើម, ថ្នាំដុសធ្មេញ ០១ប្រអប់, សាប៊ូ ០១ដុំ, ម៉ាស់ ២០បន្ទះ ក្តារខៀន ០១ និងជ័រលុប ០១ដុំផងដែរ៕
