សកម្មជនគាំទ្រ CNRP បន្តបើកទម្លាយ សម្លេងលោក កឹម សុខា និយាយដើមកញ្ញា ធី សុវណ្ណថា ប្រាប់ស្រីស្នេហ៍ឈ្មោះអាមុំ (ភ្នំពេញ)៖ នៅរាត្រីថ្ងៃទី២៩ ខែកុម្ភៈ ឆ្នាំ២០១៦នេះ បន្ទាប់ពីស្រីស្នេហ៍របស់លោក កឹម សុខា (ឈ្មោះស្រីមុំ) ទម្លាយរឿងលួចលាក់ស្នេហា ជាមួយលោក កឹម សុខា និងបញ្ហាមិនទទួលខុសត្រូវរបស់លោក កឹម សុខា ចំពោះស្រីកំណាន់ខ្លួន និងព្រមទាំងមន្រ្តីសកម្មជន CNRP នៅសហរដ្ឋអាមេរិក ចេញមុខមកសម្តែងការអាណិតអាសូរ ស្រីវ័យក្មេងដែលចាញ់បោកលង់ខ្លួនប្រាណជាមួយលោក កឹម សុខា, ឥឡូវនៅពេលនេះ មន្រ្តីសកម្មជន CNRP ដែលមាន Facebook ឈ្មោះ «រឿងពិត CNRP» ដដែលបានបន្តទម្លាយសម្លេងលោក កឹម សុខា និយាយដើមកញ្ញា ធី សុវណ្ណថា។ នៅក្នុងសម្លេងជិត៥នាទីនោះលោក កឹម សុខា បាននិយាយថា៖ «ធី សុវណ្ណថា ថាជាក្មេងស្រីដែលសុំគាត់ធ្វើការតាំងពី នៅគណបក្សសិទ្ធិមនុស្ស ហើយចុងក្រោយនេះ លោក កឹម សុខា ចោទថា កញ្ញា ធី សុវណ្ណថា បានឈ្លោះគ្នាជាមួយគណបក្សសង្គ្រោះជាតិ ឈ្លោះគ្នាជាមួយកូនស្រីរបស់គាត់ និងថា ធី សុវណ្ណថា ឈប់ពីសង្គ្រោះជាតិយូរហើយ»។ ក្រៅពីសម្លេងលោក កឹម សុខា ថ្លែងសារសងជាមួយស្រីស្នេហ៍ និយាយដើមកញ្ញា ធី សុវណ្ណថា, មន្រ្តីសកម្មជន CNRP ក៏បានសរសេររៀបរាប់នៅលើឲ្យដឹងយ៉ាងដូច្នេះទៀតថា៖ «ពុតត្បុតរបស់លោក កឹម សុខា និងការធ្វើនយោបាយបោកប្រាស់យុវជន ដើម្បីកេងចំណេញនយោបាយ ប្រើហើយ បោះបង់ចោល និងប្រមាថមាក់ងាយ។ សូមស្តាប់លោក កឹម សុខា បរិហារកេរ្តិ៍កញ្ញា ធី សុវណ្ណថា ប្រាប់ស្រីស្នេហ៍ (អាមុំ) ដូចតទៅ៖http://www.freshnewsasia.com/index.php/en/19015-2016-02-29-17-13-52.html

Posted by Fresh News on Monday, February 29, 2016