(ភ្នំពេញ)៖ នៅថ្ងៃទី១៥ ខែមីនា ឆ្នាំ​២០១៦ម្សិលមិញនេះ មាន​ករណីគ្រោះថ្នាក់​ចរាចរណ៍ នៅ​​​ទូទាំងប្រទេស​កើតឡើងចំនួន៥លើក ក្នុងនោះយប់២លើក បណ្តាលឲ្យ​មនុស្ស​ស្លាប់ម្នាក់ រងរបួសធ្ងន់៧នាក់ និងរបួសស្រាល១នាក់ ទិន្ន័យគ្រោះថ្នាក់ចរាចរណ៍ របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។

ប្រភពព័ត៌មានបញ្ជាក់ទៀតថា នៅក្នុង​ហេតុការណ៍គ្រោះថ្នាក់​ចរាចរណ៍ទាំង៥លើក​នេះ បណ្តាលឲ្យខូច​ខាតយានយន្តសរុបចំនួន ៨គ្រឿង រួមមានម៉ូតូ​ចំនួន៣គ្រឿង រថយន្តធុនតូចចំនួន៤គ្រឿង និង​រថយន្តធុន​ធំចំនួន១គ្រឿង ហើយ​មូល​ហេតុដែល​បណ្តាលឲ្យ ​កើតមាន​ករណី​គ្រោះ​ថ្នាក់ចរាចរណ៍​រួមមាន ល្មើសល្បឿន២លើក, មិនគោរពសិទ្ធិ២លើក, និង​បត់​គ្រោះ​ថ្នាក់១លើក។ ក្នុងនោះ​អ្នក​មិន​ពាក់មួក​សុវត្ថិភាព ពេល​គ្រោះថ្នាក់​ចរាចរណ៍៥នាក់ ​(​យប់៣នាក់) ។

នៅថ្ងៃទី១៥ ខែមីនា ឆ្នាំ​២០១៦ម្សិលមិញនេះផងដែរ​ ​​លទ្ធិផលត្រួតពិនិត្យ​អនុវត្ត​ច្បាប់​ចរា​ចរណ៍ ​ផ្លូវគោកឃើញថាយានយន្ត ដែលល្មើស ​សរុប​ទូទាំងប្រទេស​មាន ចំនួន៨៩៤៦គ្រឿង ក្នុង​នោះបានធ្វើ​ការអប់រំ​ចំនួន៤៨០៦គ្រឿង ​ពិន័យ​សរុប៤១៤០គ្រឿង និងអប់រំអ្នក​មិន​ពាក់​មួក​សុវត្ថិភាព១៧០៨នាក់៕