(ពោធិ៍សាត់)៖ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជន នៃអគ្គស្នងការនគរបាលជាតិ សហការជាមួយនគរបាលខេត្ត ដោយមានការសម្របសម្រួលនីតិវិធីដោយ លោកព្រះរាជអាជ្ញារងអមសាលាដំបូងខេត្ត បានចុះធ្វើការឃាត់ខ្លួន មេបនម្នាក់ និង ជួយសង្គ្រោះនារី៦នាក់ ពាក់ព័ន្ធនឹងការបើកអាជីវកម្មបម្រើផ្លូវភេទ ដែលប្រតិបត្តិការនះ ចាប់ផ្តើមធ្វើឡើងពីម៉ោង ៧៖៣០នាទីយប់ រហូតដល់ម៉ោង១០៖៣០នាទីយប់ ថ្ងៃទី១៥ ខែមីនា ឆ្នាំ២០១៦។
ក្នុងប្រតិបត្តិការនេះ សមត្ថកិច្ចនាយកដ្ឋាន បានឃាត់ខ្លួនមេបនម្នាក់ឈ្មោះ គឹម ដានី ហៅប៉ ភេទស្រី អាយុ៤៥ឆ្នាំ ជនជាតិខ្មែរ រស់ភូមិបន្ទាយដី សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ (ទីតាំងរកស៊ីផ្លូវភេទ) ព្រមទាំងបានប្រមូលនារី ដែលស្នាក់នៅរកស៊ីផ្លូវភេទ ក្រោមការកេងប្រវ័ញ្ចចំនួន៦នាក់គឺ ១-សាត់ ផានី ភេទស្រី អាយុ១៩ឆ្នាំ, ២-សុខ ស្រីពីន ភេទស្រី អាយុ២០ឆ្នាំ, ៣-រ័ត្ន សោភា ភេទស្រី អាយុ២៨ឆ្នាំ, ៤-ឃី ស្រីតូច ភេទស្រី អាយុ២៥ឆ្នាំ, ៥-ធី ពិសី ភេទស្រី អាយុ២២ឆ្នាំ និង ៦-សូត្រ ស្រីនិច ភេទស្រី អាយុ១៩ឆ្នាំ ។
ជាក់ស្តែងកម្លាំងចម្រុះ បានរកឃើញវត្ថុតាងមួយចំនួនធំ ក្នុងនិងក្រៅបន្ទប់នីមួយៗមានដូចជា ៖ ស្រោមអនាម័យដែលប្រើរួច និងមិនទាន់ប្រើរួចសឹងតែគ្រប់បន្ទប់ ប័ណ្ណសម្រាប់កត់ចំណាំតម្លៃភ្ញៀវចេញចូល ទូរស័ព្ទ SAMSUNG ពណ៌ខ្មៅរបស់មេបន ដែលជាជនសង្ស័យ ។
លោកឧត្តមសេនីយ៍ត្រី លី ឡាយ អនុប្រធាននាយកដ្ឋាន ប្រឆាំងការជួញដូរមនុស្ស និង ការពារអនីតិជន បានប្រាប់ភ្នាក់ងារ Fresh News ឲ្យដឹងនាយប់នោះថា ប្រតិបត្តិការបង្ក្រាបនេះ គឺធ្វើឡើង២ទៅ ៣ដងរួចមកហើយ ប៉ុន្តែពួកគេគ្មានការរៀងចាលនោះទេ ពោលគឺការឃុំខ្លួនមានរយៈពេលខ្លីពេក ។
ក្រោយប្រតិបត្តិការនេះ កម្លាំងនាយកដ្ឋានបាននាំខ្លួនជនសង្ស័យ ដែលជាមេបន យកទៅសួរនាំនៅការិយាល័យជំនាញ នៃស្នងការនគរបាលខេត្តពោធិ៍សាត់ ដើម្បីចាត់ការតាមនីតិវិធី។ ដោយឡែនារីរងគ្រោះទាំង៦នាក់ ត្រូវបានបញ្ជូនទៅអង្គការ និងទៅផ្ទះវិញ ខណៈដែលនារីខ្លះជាជនជាតិវៀតណាម៕
កម្លាំងនគរបាលចុះបង្ក្រាបទីតាំងរកស៊ីបម្រើសេវាផ្លូវភេទ ឃាត់ខ្លួនមេបនម្នាក់ ជួយនារីរងគ្រោះ៦នាក់ នៅខេត្តពោធិ៍សាត់
Posted by Fresh News Photo on Tuesday, March 15, 2016
<div
