(កំពង់ធំ)៖ តាមរយៈការធ្វើតេស្ដរហ័ស ខេត្ដកំពង់ធំ នៅថ្ងៃទី០៦ ខែមិថុនា ឆ្នាំ២០២១នេះ បានបន្ដរកឃើញមនុស្សចំនួន១៧នាក់បន្ថែមទៀត ឆ្លងជំងឺកូវីដ១៩ ខណៈជាអ្នកជាសះស្បើយ មានចំនួន៨នាក់។

ក្នុងសេចក្ដីប្រកាសព័ត៌មាន ដែលបណ្ដាញព័ត៌មាន Fresh News ទទួលបានរដ្ឋបាលខេត្តកំពង់ធំ ក៏បានបង្ហាញឈ្មោះ អាសយដ្ឋានស្នាក់នៅ និងប្រវត្តិទំនាក់ទំនងមួយចំនួនរបស់អ្នកជំងឺកូវីដ១៩ ដែលទើបរកឃើញថ្មីនេះផងដែរ។

សូមជម្រាបថា គិតត្រឹមថ្ងៃទី០៦ ខែមិថុនា ឆ្នាំ២០២១នេះ ខេត្តកំពង់ធំ បានរកឃើញអ្នកឆ្លងជំងឺកូវីដ១៩ ចំនួន៣១៤នាក់ ក្នុងនោះព្យាបាលជាសះស្បើយ ចំនួន១២៨នាក់, កំពុងសម្រាកព្យាបាលចំនួន១៨៥នាក់៕