(ភ្នំពេញ)៖ ឧបនាយករដ្ឋមន្រ្តីរដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ លោក ប្រាក់ សុខុន បានដឹកនាំគណៈប្រតិភូជាន់ខ្ពស់រដ្ឋាភិបាល ទៅកាន់ទីក្រុងឆុងឈីង ដែលស្ថិតនៅភាគកណ្តាលប្រទេសចិន តាមជើងហោះហើរពិសេសរបស់ក្រុមហ៊ុនអាកាសចរណ៍ ខេមបូឌាអ៊ែរវ៉េ សារជាថ្មីម្តងទៀតនៅអាកាសយានដ្ឋានអន្តរជាតិភ្នំពេញ នៅថ្ងៃទី៦ ខែមិថុនា ឆ្នាំ២០២១។
តំណាងគណៈគ្រប់គ្រង និងបុគ្គលិកក្រុមហ៊ុនអាកាសចរណ៍ខេមបូឌាអ៊ែរវ៉េ បានស្វាគមន៍យ៉ាងកក់ក្តៅដល់អ្នកដំណើរជាន់ខ្ពស់នៅអាកាសយានដ្ឋាន ដែលដឹកនាំដោយគណៈប្រតិភូជាន់ខ្ពស់គ្រោង នឹងចូលរួមកិច្ចប្រជុំរដ្ឋមន្ត្រីការបរទេសពិសេសអាស៊ាន - ចិននិងកិច្ចប្រជុំរដ្ឋមន្ត្រីការបរទេសមេគង្គ - ឡានឆាងលើកទី ៦ ។
ការផ្តល់សេវាកម្មនេះមានន័យខ្លាំងចំពោះក្រុមហ៊ុនអាកាសចរណ៍ ពីព្រោះនេះជាលើកទីមួយ ហើយដែលក្រុមហ៊ុនអាកាសចរណ៍ខេមបូឌាអ៊ែរវ៉េ បានដឹកប្រតិភូរដ្ឋាភិបាលជាន់ខ្ពស់ទៅកាន់ប្រទេសចិន ក៏ដូចជាលើកទី២ផងដែរ ដែលក្រុមហ៊ុនអាកាសចរណ៍បានផ្តល់ជើងហោះហើរពិសេស សម្រាប់លោក ប្រាក់ សុខុន និងគណៈប្រតិភូរបស់លោក បន្ទាប់ពីបានធ្វើដំណើរទៅទីក្រុងហ្សាការតា ប្រទេសឥណ្ឌូនេស៊ី សម្រាប់កិច្ចប្រជុំមេដឹកនាំអាស៊ានកាលពីខែមេសាឆ្នាំនេះ។ ដោយត្រូវបានរដ្ឋាភិបាលប្រគល់តួនាទីសំខាន់បែបនេះជាលើកទី២ ក្រុមហ៊ុនអាកាសចរណ៍ខេមបូឌាអ៊ែរវ៉េ បានចាប់ផ្តើមការត្រៀមរៀបចំភ្លាមៗ និងបានរៀបចំការប្រជុំពិសេសជាច្រើនដើម្បីពិភាក្សាអំពីកាលវិភាគ នៃការហោះហើរក៏ដូចជានីតិវិធីយ៉ាងលំអិតដើម្បីធានាបាននូវប្រតិបត្តិការហោះហើរដោយរលូន។
ជើងហោះហើរពិសេសបានហោះចេញពីអាកាសយានដ្ឋានអន្តរជាតិភ្នំពេញ នៅថ្ងៃទី៦ល្ងាច ហើយបានចុះចតយ៉ាងរលូននៅអាកាសយានដ្ឋានអន្តរជាតិចុងឈីងជាំងប៊ី តាមពេលវេលាកំណត់ម៉ោង១៨៖១០យប់។ ប្រទេសកម្ពុជានិងចិនគឺជាប្រទេសជិតខាងនិងមានមិត្តភាពជាយូរលង់ណាស់មកហើយ។
ប្រទេសទាំងពីរមានកិច្ចសហប្រតិបត្តិការយ៉ាងទូលំទូលាយ និងស៊ីជម្រៅលើវិស័យនយោបាយសេដ្ឋកិច្ចពាណិជ្ជកម្មវិនិយោគទេសចរណ៍និងវប្បធម៌។ ល។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានធ្វើទស្សនកិច្ចទៅប្រទេសចិន នៅខែកុម្ភៈ ឆ្នាំ២០២០ ដើម្បីឆ្លើយតបនឹងការអំពាវនាវរបស់នាយករដ្ឋមន្រ្តី ក្រុមហ៊ុនខេមបូឌាអ៊ែរវ៉េ មិនបានបញ្ឈប់ក្នុងការហោះហើរផ្លូវហោះហើរប្រទេសចិនទេ ហើយបានបន្តផ្តល់សេវាដឹកជញ្ជូនតាមផ្លូវអាកាសដោយឥតគិតថ្លៃ សម្រាប់ការផ្គត់ផ្គង់សំភារៈវេជ្ជសាស្រ្តដែលបានផ្តល់ដល់ប្រទេសចិន ដើម្បីគាំទ្រដល់ដំណើរទស្សនកិច្ចរបស់សម្តេចនាយករដ្ឋមន្រ្តី។
ក្នុងពេលមានជំងឺរាតត្បាតនេះក្រុមហ៊ុនខេមបូឌាអ៊ែរវ៉េ បានផ្តល់ម៉ាស់ការពារសរុបចំនួន១៥០,០០០ ហើយបានដឹកជញ្ជូនអំណោយវេជ្ជសាស្ត្រផ្សេងៗទៀតជាង១៥តោន ទៅប្រទេសចិន ដោយការចំណាយផ្ទាល់ខ្លួន។
នាពេលបច្ចុប្បន្ននេះក្រុមហ៊ុនអាកាសចរណ៍ខេមបូឌាអ៊ែរវ៉េ កំពុងដំណើរការជើងហោះហើរសំរាប់អ្នកដំណើរជាប្រចាំរវាងភ្នំពេញ និង ឆេងទូ ប្រទេសចិន និងជើងហោះហើរដឹកទំនិញជាទៀងទាត់រវាងភ្នំពេញ និងហ្សិនជិនប្រទេសចិន។
ក្រុមហ៊ុននឹងបើកដំណើរការផ្លូវថ្មីៗបន្ថែមទៀតរវាងកម្ពុជា និងចិនក៏ដូចជាផ្លូវរវាងប្រទេសចិន និងអាស៊ានដើម្បីភ្ជាប់ទីក្រុងទាំងនេះ ហើយក្នុងពេលតែមួយដើម្បីចូលរួមចំណែកក្នុងការស្តារសេដ្ឋកិច្ចនៅក្នុងតំបន់។
www.cambodia-airways.com
（+855）87-310-815
[email protected]
