(ពោធិ៍សាត់)៖ មន្រ្តីសាលាស្រុកភ្នំក្រវាញ បានឲ្យដឹងថា នៅវេលាម៉ោង៤៖២០នាទី រសៀលថ្ងៃទី១៣ ខែមីនា ឆ្នាំ២០១៦នេះ មានករណីភ្លើងឆេះព្រៃ ហើយក៏ស្រាប់តែរីករាលដាល បណ្តាលអោយឆេះរថយន្តបទល្មើសព្រៃឈើអស់ចំនួន២៧គ្រឿង ស្ថិតនៅផ្នែករដ្ឋបាលព្រៃឈេីក្រវាញ ស្ថិតនៅក្នុងភូមិព្រែក១ ឃំុសំរោង ស្រុកភ្នំក្រវាញ ខេត្តពោធិ៍សាត់ ដែលរថយន្តទាំងនេះ ត្រូវបានកម្លាំងរដ្ឋបាលព្រៃឈើបង្ក្រាប និងដកហូតបានកាលពីពេលកន្លងទៅ។
មន្រ្តីសាលាស្រុកភ្នំក្រវាញ បានបន្តទៀតថា «ពិតជា មានករណីភ្លេីងឆេះបណ្តាលឲ្យឆេះរថយន្តចំនួន ២៧គ្រឿងមែន និងឈេីមួយចំនួន មូលហេតុដោយសារភ្លើងឆេះព្រៃ ឆ្លងតាមប្រហោងសត្វកាយនៅជ្រុងខាងលិច» ។
យ៉ាងណាក៏ដោយក្រោយកើតហេតុ និងមានករណីនេះកើតឡើង កម្លាំងសមត្ថកិច្ច និងមន្រ្តីនៅទីស្នាក់មួយនេះ ក៏ជួយអន្តរាគមន៍ផងដែរ តែមិនអាចជួយបាន៕
