(ភ្នំពេញ)៖ គ្រឹះស្ថានមីក្រូហិរញ្ញវត្ថុពិភពថ្មី នៅថ្ងៃទី១១ ខែមីនានេះ បានចេញសេចក្តីជូនដំណឹងមួយ ប្រកាសឲ្យលោកស្រី ដួង ចរិយា ចូលខ្លួនមកបង់ប្រាក់ ថ្លៃរំលស់រថយន្តម៉ាក TOYOTA TUNDRA 2011 ពណ៌ទឹកប្រាក់ ស្លាកលេខៈភ្នំពេញ 2AB-6996 អោយបានមុនថ្ងៃទី១៦-០៣-២០១៦ជាកំហិត។

សេចក្តីជូនដំណឹងដដែលបានបញ្ជាក់ថា «លោកស្រី ដួង ចរិយា ដែលជាភាគីទិញរថយន្តខាងលើបង់រំលស់  ហើយមិនព្រមបង់ប្រាក់រំលស់ជូនក្រុមហ៊ុន និងថែមទាំងយករថយន្តនោះ​ទៅលក់បន្តឲ្យ​តតិយជនទៀតផង នេះជាអំពើខុសច្បាប់។ លោកស្រីត្រូវមកបង់ប្រាក់ផ្តាច់ទាំងអស់ ជូនក្រុមហ៊ុន ឬយករថយន្តនោះមកទូទាត់ សងក្រុមហ៊ុនវិញដោយខានមិនបាន។ក្នុងករណីលោកស្រីខកខាន​ក្នុងការបំពេញកាតព្វកិច្ចនេះ ​នោះក្រុមហ៊ុននឹងប្តឹងទៅតុលាការ»៕