(ភ្នំពេញ)៖ មន្ត្រីតុលាការថ្លែងឲ្យដឹងថា លោក សាន្ត ប៊ុនធឿន ដែលគេស្គាល់ថា ជាអ្នកសារព័ត៌មានតាមហ្វេសប៊ុក ត្រូវបានលោក គុជ គឹមឡុង ព្រះរាជអាជ្ញារងអមសាលាដំបូងរាជធានីភ្នំពេញ ដោះលែងឲ្យមានសេរីភាពឡើងវិញ នៅថ្ងៃទី១១ ខែមីនា ឆ្នាំ២០១៦ បន្ទាប់ពីសាកសួរ២ថ្ងៃរួចមក ។
មន្រ្តីតុលាការបានបញ្ជាក់បន្តថា មូលហេតុនៃការដោះលែងនេះ បន្ទាប់ពីលោក សាន្ត ប៊ុនធឿន តម្កល់ប្រាក់ចំនួន៤លានរៀល។ ទោះបីយ៉ាងណា សំណុំរឿងលោក សាន្ត ប៊ុនធឿន នឹងត្រូវតុលាការបើកសវនាការនៅថ្ងៃទី២៥ ខែមីនា ខាងមុខនេះ ពាក់ព័ន្ធបទល្មើសបើកបរមានកម្រិតជាតិអាកុល 0,64Mg/L ល្មើសនឹងច្បាប់ចរាចរណ៍ផ្លូវគោក ត្រង់ជំពូកទី១០ ទោសបញ្ញត្តិមាត្រា៧៧៕
