(​ម៉ូស្គូ​)៖ យោងតាម​សម្តី​របស់​រដ្ឋមន្ត្រី​ក្រសួង​កីឡា​រុស្ស៊ី លោក Vitaly Mutko ត្រូវបាន​ដកស្រង់​ដោយ​ព័ត៌មាន​ចិន ស៊ិនហួ នៅ​យប់​ថ្ងៃទី​០៨ ខែ​មីនា ឆ្នាំ​២០១៦ បានឲ្យដឹងថា អាច​មាន​អត្ត​ពលិក​ជនជាតិ​រុស្ស៊ី​បន្ថែមទៀ​ត នឹង​ត្រូវ​បាន​រារាំង​មិនឲ្យ​ចូលរួម​ប្រកួត នៅក្នុង​ព្រឹត្តិការណ៍​កីឡា​អន្តរជាតិ​នានា ដោយសារ​ជាប់​ពាក់ព័ន្ធ​ប្រើប្រាស់​ថ្នាំ ដែល​គេ​ហាមឃាត់ ស្របពេល​ដែល​មាន​ករណី​ចុងក្រោយ​បំផុត នៃ​ការប្រើប្រាស់​ថ្នាំ​លើស​កម្រិត នៅក្នុង​ចំណោម​អត្ត​ពលិ​ក​របស់​រុស្ស៊ី ។​

​កាលពី​ថ្ងៃ​ចន្ទ អតីត​កីឡាការិនី​វាយ​តេ​នីស លំដាប់​ថ្នាក់​លេខ​១ ពិភពលោក Maria Sharapova ត្រូវបាន​ប្រកាស នៅក្នុង​ទីក្រុង Los Angeles ដោយ​ភ្នាក់ងារ​ប្រឆាំង​គ្រឿងញៀន​ពិភពលោក​ថា នាង​បាន​ធ្លាក់​នៅ​ក្នុង​ការពិនិត្យ​គ្រឿងញៀន នា​ព្រឹត្តិការណ៍ Australian Open កាលពី​ខែ​មករា ។
​កីឡាការិនី​វ័យ​២៨​ឆ្នាំ​រូប​នេះ​បានឲ្យដឹងថា ការពិនិត្យ​បាន​រកឃើញថា នាង​មាន​សារធាតុ​ញៀន ហៅថា «Mildronate» ដែល​មាន​ការតិទៀន​ខ្លាំងៗ ៥​លើក​មក​ហើយ ចំពោះ​ព្រឹត្តិការណ៍​កីឡា ដែល​បាន​ប្រារព្ធ​ឡើង​កាលពី​១០​ឆ្នាំមុន ពី​បញ្ហា សុខភាព ។​
​សារធាតុ Mildronate ដែល​គេ​ស្គាល់​ឈ្មោះ​ម្យ៉ាងទៀត​ថា Meldonium ត្រូវបាន​គេ​ប្រើប្រាស់​សម្រាប់​ព្យាបាល ជំងឺ​ទឹកនោម​ផ្អែម និង​កម្រិត​ម៉ាញេស្យ៉ូ​មទាប ហើយ​វា​ត្រូវបាន​ដាក់​នៅក្នុង​បញ្ជី​ហាមឃាត់​នា​ឆ្នាំនេះ ។
​កាលពី​ថ្ងៃ​ចន្ទ​ដើម​សប្តាហ៍ កីឡាការិនី​រាំ​លើ​ទឹកកក​របស់​រុស្ស៊ី​នាង Yekaterina Bobrova ត្រូវ​បាន​ហាម​មិនឲ្យ​ចូលរួម​ក្នុង​ព្រឹត្តិការណ៍ World Figure-Skating Championships ដែល​នឹង​ប្រារព្ធ​ឡើង នៅ​សហរដ្ឋអាមេរិក បន្ទាប់​ពី​សារធាតុ Meldonium ត្រូវបាន​រកឃើញ​នៅក្នុង​ឈាម​របស់​នាង ។ ទោះបី​យ៉ាងណាក្តី រដ្ឋមន្ត្រី​កីឡា​រុស្ស៊ី បានបញ្ជាក់​ថា ការ​មិនឲ្យ​ចូលរួម​ប្រកួត ដោយសារ​ការប្រើប្រាស់​សារធាតុ​ញៀន ដែល​ហាមឃាត់​ក្តី តែ​វា​មិន​អាច​ប៉ះពាល់​ចំពោះ​ការចូលរួម​របស់​រុស្ស៊ី នៅក្នុង​ព្រឹត្តិការណ៍ Rio 2016 នៅ​ប្រទេសប្រេ​ស៊ីល នោះឡើយ ៕​