(កំពត)៖ ក្រុមចោរប្លន់ប្រដាប់អាវុធកាំភ្លើង AK មានគ្នា៣នាក់ បានចូលទៅធ្វើសកម្មភាព បាញ់ប្លន់នៅផ្ទះលក់សាំងមួយកន្លែង ស្ថិតនៅភូមិមានរិទ្ធ ឃុំក្រាំងលាវ ស្រុកដងទង់ ខេត្តកំពត នៅវេលាម៉ោងជិត៩៖០០នាទី យប់ថ្ងៃទី៨ ខែមីនា ឆ្នាំ២០១៦នេះ ។
មន្រ្តីនគរបាលខេត្តកំពត បានឲ្យដឹងថា ជនសង្ស័យមានគ្នា៣នាក់ បានចូលទៅចាក់សាំងម៉ូតូ ពេលនោះក៏គំរាមដោះយកខ្សែដៃប្លាកទីនចំនួន២ជី និងបានបាញ់គំរាម បណ្តាលឲ្យត្រូវមេជើងស្រ្តីជាម្ចាស់ផ្ទះផងដែរ។
ក្រោយកើតហេតុស្នងការនគរបាលខេត្តកំពត លោកឧត្តមសេនីយ៍ ម៉ៅ ច័ន្ទមធុរិទ្ធ បានដឹកនាំកម្លាំងនគរបាលជំនាញ សហការជាមួយកម្លាំងអាវុធហត្ថ ចុះទៅជួយអន្តរាគមន៍ភ្លាមៗ ដើម្បីតាមស្វែងរកតាមចាប់ក្រុមចោរប្លន់ទាំងនោះ។
