(ភ្នំពេញ)៖ លោក វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី៣០ ខែមេសា ឆ្នាំ២០២១នេះ បានបង្ហាញអំពីលទ្ធផល នៃការនាំចេញផលិតផលកសិកម្ម ក្នុងរយៈពេល៤ខែ ដើមឆ្នាំ២០២១។
ក្នុងរបាយការណ៍បានឲ្យដឹងថា រយៈពេល៤ខែ ដើមឆ្នាំ២០២១នេះ កម្ពុជាបាននាំចេញផលិតផល កសិកម្មទៅក្រៅប្រទេស មានបរិមាណសរុបចំនួន ៣ ៨២៦ ៤៣២.៨៥ តោនទៅកាន់ទិសដៅ៥៤ប្រទេស គឺមានការកើនឡើង ចំនួន១ ៧៨៤ ០០៦.៨០តោនស្មើនឹង ៨៧.៣៥% បើធៀបនឹងរយៈពេលដូចគ្នា ក្នុងឆ្នាំ២០២០ ដែលទទួលបានត្រឹមតែចំនួន ២ ០៤២ ៤២៦.០៥តោនប៉ុណ្ណោះ។
របាយការណ៍ បានបន្ថែមទៀតថា តម្លៃសរុបរួមនៃការនាំចេញផលិតផលកសិកម្ម សរុបចំនួន ២ ០៩១ ១៦៦ ០១៦.៤២ដុល្លារ ដែលក្នុងនោះ រួមមាន៖
* ការនាំចេញអង្ករមានចំនួន ១៦១ ៦៩៥ ៨០០ ដុល្លារអាមេរិក
* ការនាំចេញស្រូវមានចំនួន ២២១ ២៨៨ ២៩០.៨៨ ដុល្លារអាមេរិក
* ការនាំចេញកសិផលក្រៅពីស្រូវ-អង្ករ មានចំនួន១ ៥៨០ ៩៤៦ ៤០៦.៥៤ ដុល្លាអាមេរិក
* ការនាំចេញកៅស៊ូធម្មជាតិ មានចំនួន ៩៩ ៨៧០ ២៤២ ដុល្លារអាមេរិក
* ការនាំចេញកសិកម្មសត្វ មានចំនួន ២៥ ០៧៣ ៧០៦ដុល្លារអាមេរិក
* ការនាំចេញផលិតកម្មជលផល មានចំនួន ២ ២៩១ ៥៧១ដុល្លារអាមេរិក៕
ខាងក្រោមនេះ ជារបាយការណ៍លទ្ធផល នៃការនាំចេញផលិតផលកសិកម្ម ៤ខែដើមឆ្នាំ២០២១ ដែលផ្សព្វផ្សាយលើ Facebook ផ្លូវការរបស់លោករដ្ឋមន្ត្រី វេង សាខុន៖
