(ភ្នំពេញ)៖ នៅថ្ងៃ​ទី​៦ ខែ​មីនា ឆ្នាំ​២០១៦ម្សិលមិញនេះ មាន​ករណី​គ្រោះថ្នាក់​​ចរាចរណ៍ នៅ​ទូទាំង​ប្រទេស​កើតឡើង​ចំនួន​១១​លើក ក្នុង​នោះ​យប់៨​លើក បណ្តាលឲ្យ​មនុស្ស​ស្លាប់​៦​នាក់ រងរបួស​ធ្ងន់៩​នាក់ និង​របួសស្រាល៤​នាក់ នេះបើយោងតាមការចុះផ្សាយរបស់ គេហទំព័រអគ្គស្នងការនគរបាលជាតិ។

នៅក្នុង​ហេតុការណ៍​គ្រោះថ្នាក់​ចរាចរណ៍ទាំង១១​លើក​នេះ បណ្តាល​ឲ្យ​ខូចខាត​យានយន្ត សរុបចំនួន១៩​គ្រឿ​ង រួមមានម៉ូតូ​ចំនួន១០​គ្រឿ​ង រថយន្ត​ធុន​តូចចំនួន ៤​គ្រឿ​ង រថយន្ត​ធុន​ធំចំនួន ៤​គ្រឿ​ង និង​យាន​ផ្សេងៗ១​គ្រឿ​ង ហើយមូលហេតុ​ដែល​បណ្តាល ឲ្យ​កើតមាន​ករណី​គ្រោះថ្នាក់​ចរាចរណ៍ រួមមានល្មើស​ល្បឿន៤​លើក, ប្រជែងគ្រោះថ្នាក់៣​លើក​, មិន​គោរព​សិទ្ធិ១​លើក, មិន​ប្រកាន់​ស្តាំ១​លើក ​និង​បុក​ដែក​បា​រ៉ាស់​ផ្លូវ១​លើក។ ក្នុង​នោះ​អ្នក​មិន​ពាក់​មួកសុវត្ថិភាព ពេល​គ្រោះថ្នាក់​ចរាចរណ៍១៥​នាក់ (​យប់ ១១​នាក់​)។

នៅថ្ងៃ​ទី​៦ ខែ​មីនា ឆ្នាំ​២០១៦ម្សិលមិញនេះផងដែរ លទ្ធិ​ផល​ត្រួតពិនិត្យ​អនុវត្ត​ច្បាប់​ចរាចរណ៍​ផ្លូវគោក​បានរកឃើញថា យានយន្ត​ដែល​ល្មើស​សរុប​ទូទាំង​ប្រទេស​មាន ចំនួន ៥២៩៦​គ្រឿង ក្នុងនោះ​បាន​ធ្វើ​ការអប់រំ​ចំនួន ២៤៨៦​គ្រឿង ពិន័យ​សរុប ២៨១០​គ្រឿង និង​អប់រំ​អ្នក​មិន​ពាក់មួក​សុវត្ថិភាព ១២៤៩​នាក់ ៕