(ភ្នំពេញ)៖ នៅយប់ថ្ងៃទី០៦ ខែមីនា ឆ្នាំ២០១៦ នគរបាល មិនបាន ដាក់ប៉ុស្តិ៍ត្រួតពិនិត្យគ្រឿងស្រវឹង នៅរាជធានីភ្នំពេញឡើយ។ មូលហេតុដែលផ្អាក ការដាក់ប៉ុស្តិ៍ត្រួតពិនិត្យគ្រឿងនៅថ្ងៃនេះ ដោយសារទុកពេលឲ្យនគរបាល និងកងកម្លាំងសមត្ថកិច្ចសម្រាកពីការងារ ក្រោយពីបំពេញភារកិច្ច ត្រួតពិនិត្យជារៀងរាល់ថ្ងៃ។

នេះបើតាមការបញ្ជាក់ឲ្យដឹងពី លោកឧត្តមសេនីយ៍ផ្កាយ៣ រ៉ុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានថ្លែងប្រាប់អង្គភាពព័ត៌មាន Fresh News នៅព្រលប់នេះ។

ប៉ុន្តែ​កម្លាំងសមត្ថកិច្ច និងនគរបាលប៉ុស្តិ៍  នៅតែពង្រឹង និងដាក់ប៉ុស្តិ៍ ត្រួតពិនិត្យ នៅតាមបណ្តាខេត្ត​មួយចំនួន ដូចជាខេត្តកំពង់ធំ ខេត្តតាកែវ ខេត្តស្វាយរៀង សៀមរាប និងខេត្តកណ្តាល។នគរបាល ដាក់ពង្រាយគោលដៅផ្សេងៗគ្នាទៀត ដើម្បីត្រួតពិនិត្យគ្រឿងស្រវឹងនៅបនញតាខេត្តទាំង៥ ខាងលើនេះ ។

កងកម្លាំងសមត្ថកិច្ច សូមអំពាវនាវឲ្យ បងប្អូនប្រជាពលរដ្ឋ កុំបើកបរពេលស្រវឹង និងគោរពច្បាប់ចរាចរណ៍ ទាំងអស់គ្នា ដើម្បីសុវត្ថិភាពជាចំបង៕