(ក្រចេះ)៖ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តក្រចេះ សហការជាមួយនគរបាលក្រុង និងនគរបាលខេត្តមណ្ឌលគិរី នៅថ្ងៃទី៤-៥ ខែមីនា ឆ្នាំ២០១៦ បានចុះក្រសោបបង្ក្រាបជនសង្ស័យប្រុសស្រី ដែលជាមុខសញ្ញាគ្រឿងញៀនចំនួន៦នាក់ នៅចំណុចចំណតរថយន្ដក្រចេះនិងចំណុចគ្រោយវត្តប៉ាឆា ភូមិត្រពាំងព្រីង សង្កាត់ក្រចេះ ក្រុងក្រចេះ។
មន្រ្តីនគរបាល បានឲ្យដឹងថា ជនសង្ស័យជាមុខសញ្ញាគ្រឿងញៀនទាំង៦នាក់ មានឈ្មោះដូចខាងក្រោម៖
- ទី.១. ឈ្មោះ ចាន់ តាំងលី ភេទប្រុស អាយុ២២ឆ្នាំ មុុខរបររត់ម៉ូតូឌុបរស់នៅភូមិពូតុង ឃុំចុងផ្លាស ស្រុកកែវសីមា ខេត្តមណ្ឌគីរី ជាអ្នកទិញលក់បន្ត
- ទី២. ឈ្មោះ វ៉ា វិចិត្រ ភេទប្រុស អាយុ១៩ឆ្នាំ មុខរបរមិនពិតប្រាកដរស់នៅ ភូមិសំបុក ឃុំសំបុក ស្រុកចិត្របុរី ជាអ្នករត់ការលក់
- ទី៣. ឈ្មោះ មិ និមល ភេទប្រុស អាយុ២០ឆ្នាំ រស់នៅភូមិការប៉ូ សង្កាត់អូរឬស្សី
- ទី៤. ឈ្មោះ យឹម ចាន់ណា ភេទស្រី អាយុ២៧ឆ្ នាំមុខរបរមិនពិតប្រាកដរស់នៅក្រោយវត្តប៉ាឆា
- ទី៥. ឈ្មោះ ទីម ស្រីណា ភេទស្រី អាយុអាយុ២៥ឆ្នាំ រស់នៅក្រោយ ត្រូវជាប្រពន្ធជនសង្ស័យឈ្មោះទីន មិន ដែលបានរត់គេចខ្លួនបាត់
- ទី៦. ឈ្មោះ ទីម ញ៉ ភេទស្រី អាយុ៣៥ឆ្នាំ រស់នៅក្រោយវត្តប៉ាឆា
សម្រាប់ប្រតិបត្តិការ ដែលធ្វើឡើងក្រោមបញ្ជាផ្ទាល់ពីលោកឧត្តមសេនីយ៍ ស្នងការ លន់ សុផាត ស្នងការនគរបាលខេត្តមណ្ឌលគិរី លោក តូច យ៉ុន និងមានការសម្របសម្រួលពីតំណាងអយ្យការទាំង២ខេត្ត ផងនោះ បានដកហូតវត្ថុតាងរួមមានម្សៅក្រាមពណ៍សប្រភេទមេតំហ្វេតាមីនចំនួន២កញ្ចប់ទំងន់៥,៨២គ្រាមទូរសព្វ័ចំនួន៨គ្រឿង ម៉ូតូចំនួន៣គ្រឿង ប្រាក់ចំនួន៦០៥ដុល្លារ ប្រាក់រៀលចំនួន១០,៤០០០រៀល អត្តសញ្ញាណប័ណ្ណរបស់ ឈ្មោះ ទីន មិនា និងសម្ភារៈសម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យនិងវត្ថុតាង ត្រូវបានបញ្ជូននឹងធ្វើការឃុំខ្លួន នៅការិយាលយ័ប្រឆាំងគ្រឿងញៀនខេត្តក្រចេះ ដើម្បីកសាងសណុំរឿងតាមនីតិវិធី៕
