(ភ្នំពេញ)៖ បន្ទាប់ពីបញ្ចប់វេទិកាសាធារណៈ នៅសង្កាត់ក្រាំងធ្នង់ ខណ្ឌពោធិ៍សែនជ័យ នាមុននេះបន្តិច លោក កឹម សុខា ប្រធានស្តីទីគណបក្សសង្រ្គោះជាតិ បានបន្តមិនឆ្លើយតប​ចំពោះសំណួរ​អ្នកសារព័ត៌មាន និងក្រុមនិស្សិត ដែលបានទៅស្វែងរកការបកស្រាយពីលោកចំពោះសម្លេងខ្សែអាត់។

នេះគឺជាលើកទី៣ហើយ ដែលលោកបានព្យាយាមគេចវេស មិនឆ្លើយតបនឹងរឿងអាស្រូវ ដែលបែកធ្លាយនៅលើបណ្តាញសង្គម Facebook ខណៈដែលមហាជនគ្រប់គ្នាចង់ដឹងឱ្យបានច្បាស់ថាតើ ម្ចាស់សម្លេងបុរសដែលនិយាយអំពីរឿងលើគ្រែជាមួយស្រីកំណាន់នោះពិតជារូបលោក កឹម សុខា ឬយ៉ាងណា។

រយៈពេលជិត១សប្តាហ៍កន្លងទៅនេះ រឿងអាស្រូវរបស់លោក កឹម សុខា បានផ្ទុះឡើងជាថ្មី នៅលើបណ្តាញសង្គម Facebook និងសារព័ត៌មាន បន្ទាប់ពីមានការបែកធ្លាយសំឡេងសាងសងស្នេហាមួយ រវាងបុរសម្នាក់ដែលគេជឿថា ជាសម្លេងរបស់លោក កឹម សុខា ជាមួយនារីវ័យក្មេងឈ្មោះ «ស្រីមុំ» ដែលគេសង្ស័យថាជាស្រីកំណាន់។ តាមសំឡេងខ្សែអាត់នោះបង្ហាញថា ភាគីខាង បានណាត់នារីវ័យក្មេងម្នាក់ ដែលគេទៅដើរលេងនៅក្រៅប្រទេស និយាយអំពីរឿងលើគ្រែ ព្រមទាំងមានការផ្តល់លុយជូនស្រីកំណាន់ផងដែរ៕