(ភ្នំពេញ)៖កម្លាំងនគរបាល អន្តោប្រវេសន៍ក្រសួងមហាផ្ទៃ សហការជាមួយ​នគរបាលមូលដ្ឋាន ក្រោមការសម្រប​សម្រួល​ពីតំណាង​អយ្យការនៅថ្ងៃទី៣ ខែមីនា ឆ្នាំ២០១៦នេះ បានចុះត្រួតពិនិត្យ​ការស្នាក់​នៅ និងធ្វើការរបស់ជនបរទេស រហូតឈានទៅ​ដល់ការឃាត់ខ្លួន​ជនជាតិចិន និងវៀតណាមចំនួន៧៥នាក់។

លោកឧត្តមសេនីយ៍ អ៊ុក ហៃសីឡា បានប្រាប់ Fresh News ថា កម្លាំងរបស់លោកបានឃាត់ខ្លួន ជនជាតិចិនចំនួន៥១នាក់ នៅក្នុងភូមិ២ ក្នុងសង្កាត់បឹងរាំង ខណ្ឌដូនពេញ ក្នុងនោះទិដ្ឋការ ទិដ្ឋការ E ចំនួន១៩នាក់ គ្មានសៀវភៅការងារ ធ្វើការផាកពិន័យ និងទិដ្ឋការT ចំនួន៣១ ធ្វើកិច្ចសន្យាមួយសប្តាហ៍ឲ្យត្រឡប់ទៅវិញ និងម្នាក់គ្មានលិខិតឆ្លងដែន យកទៅអគ្គនាយកដ្ឋានអន្តោប្រវេសន៍ ដើម្បីអនុវត្តតាមនីតិវិធីច្បាប់ នៃព្រះរាជាណាចក្រកម្ពុជា។

លោកឧត្តមសេនីយ៍បានបញ្ជាក់ទៀតថា នៅក្នុងសង្កាត់និរោធ ខណ្ឌច្បារ​អំពៅ ក្រុមជំរឿនចំរុះ​អន្តោប្រ​វេសន៍ ក៏បានឃាត់ជនជាតិវៀតណាមចំនួន២៤ នាក់ផងដែរ ហើយនាំយកទៅ​អគ្គនាយកដ្ឋាន​ដើម្បីអនុវត្ត​តាមនីតិវិធីច្បាប់៕