(ភ្នំពេញ)៖ ឧកញ៉ា រតនៈ សម្បត្តិ និងលោកជំទាវ សៀង សុផាត បានសម្ដែងនូវការចូលរួមមរណទុក្ខយ៉ាងក្រៀមក្រំបំផុត ជាមួយក្រុមគ្រួសារសព លោកជំទាវឧកញ៉ា ស៊ុយ សុផាន ដែលបានទទួលមរណភាព នៅព្រឹកថ្ងៃទី ២៩ ខែមីនា ឆ្នាំ២០២១ នេះ វេលាម៉ោង ៧៖៥៥នាទី ក្នុងជុន្មាយុ ៦២ឆ្នាំ ដោយរោគគាពាធ។
ក្នុងមរណទុក្ខដ៏ក្រៀមក្រំនេះ ឧកញ៉ា រតនៈ សម្បត្តិ និងលោកជំទាវ សៀង សុផាត បានចាត់ទុកមរណភាពរបស់លោកជំទាវឧកញ៉ា ស៊ុយ សុផាន គឺជាការសោកស្ដាយបំផុត និងជាការបាត់បង់ភរិយា ម្ដាយ និងជីដូនដ៏ល្អមួយរូបប្រកបដោយព្រហ្មវិហារធម៌ ដែលជាទីគោរពស្រឡាញ់របស់កូនចៅ និងក្រុមគ្រួសារទាំងអស់។
ឧកញ៉ា រតនៈ សម្បត្តិ និងលោកជំទាវ សៀង សុផាត សូមឧទ្ទិសបួងសួងសូមឲ្យវិញ្ញាណក្ខន្ធលោកជំទាវឧកញ៉ា ស៊ុយ សុផាន បានទៅកាន់សុគតិភព កុំបីឃ្លៀងឃ្លាតឡើយ៕
